Најголемата продавница за Гикови и Нрдови “Гоблин Друштвени Игри” во Македонија каде што можат да се најдат огромен број на работи како Друштвени Игри, карти во Magic: The Gathering, Yu-Gi-Oh, Pokemon, Сложувалки, Фанко Поп, Dungeons & Dragons, Акциони Фигури и многу други уникатни работи, официјално го организираат првото Државно Првенство во “Catan“.
Гоблин Друштвени игри датираат од далечната 2001 година каде што многу луѓе за првпат се имаат запознаено со најпопуларната друштвена игра со карти “Magic: The Gathering” но дополнително за првпат запознавање со многу поголеми сериозни друштвени игри, надвор од стандардните игри како Ризик и Монопол. Во Гоблин многугмина ги имаат потрошено најубавите времиња од нивните животи каде што ја имаат доживеано најдобрата дружба бидејќи во Гоблин секогаш има луѓе кои што го имаат истото мислење како тебе, и дружабата секогаш е легендарна!
Гоблин Друштвени Игри се исто така виновници за организирање на огромни турнири во Hearthstone, Државни Првенства во Magic, Yu-Gi-Oh, Денови на Друштвени Игри, Гејм Викенди и многу други турнири и одредени настани. Поради тој товар што го носат, Гоблин Друштвени Игри моментално го организираат Првото Државно Првенство во играта “Catan“. Време е да се види кој е најдобриот играч во Catan во Македонија! Државното Првенство ќе се игра на 20ти Август во Public Room!
Но тоа не е се… Победникот на Државното првенство ќе добие авионски билет, сместување и право да ја претставува Македонија на Европското првенство во Копенхаген, Данска (18-20 октомври). Или во превод ако победите во Македонија, имате шанса исто така да ги искршите Европјаните и да сте уште појјаки фраери во цела Европа! Ова е најголмета мотивација за пријавување за секого!
СТИСНЕТЕ ТУКА И ПРИЈАВЕТЕ СЕ ВЕДНАШ
Информации за Државното првенствo во Катан:
- Пријавувањето за учеството на турнирот е до 15 август единствено со купување карта преку Сајтот на Гоблин (Стисни Овде).
- При нарачката ставете земи од продавница за да не платите достава без потреба.
- Според официјалните правила, на турнирот може да играат само полнолетни играчи (со наполнети 18 години).
- На турнирот може да учествуваат максимум 64 играчи (првите 64 пријавени со купена карта за учество).
- При пријавувањето за учество (нарачка на картата) внесете го целосното име и презиме на учесникот кој сакате да биде пријавен за играње и неговиот меил за полесна комуникација.
- По самото купување ќе добиете повратен меил кои ќе ви служи како потврда за учество на турнирот.
- За било какви информации или евентуални проблеми доколку ги имате при пријавувањето пишете на мејлот: [email protected]
Инфо за турнирот:
- На турнирот ќе се игра Македонската официјална верзија на играта Катан, без експанзии.
- Турнирот ќе се игра 3 кола по кои 4-цата играчи со најмногу поени ќе играат финале (бодувањето е според официјални правила кои ќе бидат детално објаснети пред почеток на турнирот).
- Победникот ќе добие авионска карта до Копенхаген, сместување и учество на Европското првенство (27-29 октомври)! ЛУДИЛО!
- Сите учесници ќе добијат код со 20% попуст за својата следна нарачка од GoblinGames.mk
- За време на турнирот е дозволено храна и пиење купени само од “Public Room”.
- Од сите учесници се очекува да се однесуваат фер и коректно, без непотребно задржување (stalling) и претерано долго „ценкање“.
- Сите учесници на турнирот ќе добијат код за 20% попуст за својата следна нарачка. Со среќа!
