Трејлерот за GTA 6 веќе сруши неколку Светски Рекорди

Трејлерот за GTA 6 официјално срушти три светски рекорди, кои беа откриени од Гинисовата книга на Светски рекорди.

Трите светски рекорди соборени од трејлерот за GTA 6 се:

  • Најгледаното видео за отркиување на Видео Игра на YouTube за 24 часа – 90.421.491 прегледи
  • Најлајкуваниот трејлер за Видео Игра на YouTube со 8,9 милиони лајкови само во првите 24 часа
  • Најгледаното видео на YouTube во 24 часа (кое не е музика)! Рекорд кој претходно го држеше MrBeast

Во моментот на пишување, трејлерот за GTA 6 собра неверојатни 106 милиони прегледи, и целосно ја победи гледаноста на трејлерот на GTA 5 кој што моментално има 101 милиони гледања. Трејлерот за GTA 6 моментално е најгледаното видео на каналот на Rockstar Games.

Rockstar Games го објави трејлерот многу предвреме на 4 декември 2023 година, околу 15 часа порано по онлајн протекувањето на трејлерот. Протекувањето се уште не е утврдено од кого е направено и се трага по личноста, но сепак тоа видео имаше огромен “Bitcoin Watermark” на него.

Во соопштението по најавата за играта, беше потврдено дека GTA 6 ќе биде лансирана на PlayStation 5 и Xbox Series S|X, но немаше споменување за издавање на PC. GTA 6 е на пат да биде најбрзо продаваната игра на сите времиња, рекорд кој го држи GTA 5 со импресивни 16,5 милиони единици за три дена – што е еквивалентно на 1 милијарда долари приход…

МАРКЕТИНГ

Љубителите на Grand Theft Auto, гејмерите и креаторите на дигитална содржина ќе имаат можност да бидат дел од еден специјален настан посветен на долгоочекуваната GTA 6. На 19 ноември, во Скопје ќе се одржи GTA 6 Launch Event, кој истовремено ќе се организира на двете локации на Inferno Gaming Club – Inferno 1 во Тафталиџе и Inferno 2 во Кисела Вода.

Настанот ќе започне во 11:00 часот, а посетителите ќе можат да очекуваат целодневна дружба, гејминг, музика и атмосфера инспирирана од легендарниот Vice City. Организаторите најавуваат тематска музика во текот на целиот ден, со звук и енергија што ќе потсетуваат на препознатливиот свет на Grand Theft Auto, претворајќи ги гејминг-клубовите во места за вистинско GTA доживување.

Централниот дел од настанот ќе биде можноста посетителите да ја испробаат GTA 6 и одблизу да се запознаат со играта. Сите заинтересирани ќе можат да добијат свој термин за играње и да го искусат старо-новиот свет на Rockstar Games, но настанот нема да биде наменет исклучиво за оние што сакаат да седнат пред конзолата.

Идејата е да се создаде простор за собирање на домашната гејминг-заедница, размена на искуства, запознавање нови луѓе и поврзување на креаторите на дигитална содржина. Настанот ќе биде можност за дружба меѓу гејмери, стримери, јутјубери, инфлуенсери и сите оние што ја следат гејминг-културата, со можност за нови соработки и запознавања.

Посетителите ќе можат да разговараат за играта, да ги споделат своите први впечатоци, да разменат мислења за новините во GTA 6 и едноставно да поминат ден во друштво на луѓе со слични интереси. Со музика, тематска атмосфера и активности во текот на денот, организаторите сакаат настанот да прерасне во вистинско собирање на гејминг-заедницата, а не само во можност за тестирање на нова игра.

БЕСПЛАТНО ИГРАЊЕ, НО СО ЗАДОЛЖИТЕЛНО АПЛИЦИРАЊЕ ЗА ИГРАЊЕ

Една од најважните информации за сите заинтересирани е дека учеството и можноста за играње на GTA 6 се целосно бесплатни. Посетителите нема да треба да плаќаат за да ја испробаат играта, а можноста ќе биде достапна во текот на целиот настан.

Сепак, поради организацијата и распоредот на термините за играње, сите што сакаат да ја испробаат GTA 6 ќе треба однапред да аплицираат преку официјалниот формулар.

По апликацијата ќе се врши јавно влечење за сите луѓе што ќе се пријават за термин за играње, со што ќе се овозможи подобра организација и ќе се избегне непотребно чекање.

КОГА, КАДЕ И ЗОШТО?

GTA 6 Launch Event ќе се одржува на 19 ноември, со почеток во 11:00 часот, истовремено во Inferno 1 во Тафталиџе и Inferno 2 во Кисела Вода.

За сите љубители на Grand Theft Auto, ова ќе биде можност да го дочекаат новото поглавје на франшизата во друштво на домашната гејминг-заедница, со целодневна Vice City атмосфера, музика, дружење и, секако, можност први да ги споделат своите впечатоци од GTA 6.

GG анкета

вести и новости од

ПРИЈАТЕЛИТЕ на GG.MK

GG LFM

W00t w00t? GG ис лукинг фор мор!​
Стани дел од тимот на GG.MK!

GG ЛОВЦИ НА ТРОФЕИ

покажете го пленот

Претплати се на нашата мејлинг листа

Нема спам, нема замарање!
Само гејминг!