Јужнокорејската игра со работното име Project M, може добро да се спореди со Max Payne поради нејзиниот систем за криење и движење, веројатно земено од Matrix. Сега имаме уште една споредба – во новиот гејмплеј кој што беше пуштен денес, играта сега дава многу интересни дизајн елементи кои што сме ги виделе во франшизата на Resident Evil.
Издавачот NCsoft прикажа дел од играта, сместена во луна парк, каде главниот лик тепа некои луди противници. Нема крв, нема мутирања, но мора да признаете дека сето тоа изгледа малку како поновите верзии на игрите од Resident Evil франшизата. Во исто време, сепак изгледа многу детално и убаво, како што можете да видите на видеото подолу.
[CODENAME] Project M инаку е замислена како акциона авантура со елементи на интерактивна драма. Кога не го контролираме директно главниот лик, ќе носиме одлуки кои ќе влијаат на насоката на неговата приказна. Тематски, ова е еден вид Sci-Fi, а светот во оваа игра се состои од информативни честички кои можат да симулираат време и простор, односно реалноста во која се наоѓаме. Оној кој манипулира со овие информативни честички може да прави чуда – со повикување портали.
