Интервју со Виктор Главиновски – “Првиот Mobile Suit Gundam Mecha Hub во Македонија – Japan.net.mk”

Внимание Gundam Гик Фанатици од Македонија! Подгответе се за возбудлив настан кој ќе ве пренесе директно во светот на Mobile Suit Gundam. Mobile Suit Gundam Mecha Hub доаѓа во Скопје, нудејќи имерзивно искуство кое ќе ве претстави на овој култен аниме серијал како никогаш до сега! Без разлика дали сте долго време фанови или воопшто немате познавање околу овој легендарен сирајл, нема да сакате да ја пропуштите можноста да го истражите светот на Gundam и да се запознаете со други ентузијасти!

Mobile Suit Gundam Mecha Hub настанот ќе се одржи на 27ми април во “Кафе и Филм Котур“. Оваа манифестација со Gundam тематика ќе ви овозможи да го истражите светот на Mobile Suit Gundam кроз различни активности, вклучувајќи дискусии со други фанови, преглед на најновите колекции на гундам фигурки, прикажување на Аниме од Gundam и многу повеќе. Ќе имате можност да ги видите исклучително деталните Gundam тајни и да дознаете повеќе за нивните карактеристики и функции.

Mobile Suite Gundam Mecha Hub Настанот е во организација од стран на најголемите Амбасадори во нашата земја за ширење на Јапонската Култура и Уметност – “Japan.net.mk” кои што се задолжени за се она што треба да го дознаваме и учиме за Јапонија. Нормално без нив немаше да го имаме најголемиот настан за ширење на Јапонската Култура “Нихон-Џи” кој што во 2022 година го имаше своети деби, а оваа година повторно се случува со тематиката “Неонски Бранови” каде што треба да е уште поголем настан од минатата година! Прочитајте повеќе за VOL.2 од Нихон-Џи фестивалот -> ТУКА.

GG.MK направи интервју со главниот учесник и презентер на овој прекрасен настан – Виктор Главиновски каде што тој ќе ни ги опише сите детали кои што треба да ги очекуваме од целиот настан!

Што е Gundam? Од каде потекнува поимот и колку е распространет целиот тој поим низ светот?

Gundam e Sci-Fi/Military/Mecha аниме манга сензација, започната во 79-та година, како одговор на Yoshiyuki Tomino на тогашната состојба на Mecha/Robo жанрот. До ден денес брои еден куп засебни серијали, и поимот е до толку втемелен во јапонската поп култура, што има неколку Life-Size статуи и споминици низ Јапонија, дури и неколку помали во други азиски земји како Филипини, Кореа, Тајланд итн. Поимот е практично кованица на зборови на авторот, првичната идеја била Gun-Dom, Dom се последните 3 букви од зборот Freedom, но е променето во Gundam заради тоа што на Yoshiyuki, начинот на кој што Gundam-ите се справуваат со своите непријатели го потсетувало на брана(Dam) која задржува вода. Gundam мене ми звучи прекул, ама вака кога ќе се навлезе во коренот на терминот, малку е смешно искрено…

Колку е распространет? До толку што на последните олимписки игри имаше life-size Gundam во Јокохама како една од маскотите. Светот највеќе се запознава преку анимето и секако, преку model kit-овите, кои што скратено се нарекуваат Gunpla (не се играчки, исто така не се Трансформери, не ме нервирајте!).

Од каде е инспирацијата за организирање на ваков настан со Gundam тематика и зошто баш сега во овој период/време?

Инспирацијата доаѓа чисто од ентузијазам спрема франшизата, самиот жанр и хобито. Ваков настан беше дискутиран уште пред некое време, но ете, приликата да се оддржи дојде сега. По некое мое ентузијастично видување, самата експанзија на аниме/манга културата кај нас ја прави по поволна организацијата на Gundam настан сега. Исто така, сметам дека би било супер да се расчистат некои чести мисконцепции околу тоа што е Gundam, и зошто фактот што има големи роботи што се млатат сеуште делумно ги одвраќа аниме и манга фановите кај нас од франшизата. Ама тој дел ќе го оставиме за настанот.

Што треба да очекуваат присутните на настанот и како да се спремат?

Да очекуваат да им го отупам за тоа колку е кул што постои аниме каде што има огромни хуманоидни машини за војна! За спремање, патики, панталони, блузон со waifu/husbando (ова е MUST хехе), тасма бричени сите, како за земање свидетелства!

Дали ќе има некои интересни и специфични активности на настанот од кои што посетителите ќе бараат да се организира Vol.2 од овој настан можеби?

Апсолутно! Oвој настан има неколку цели: -Спојување на Gundam/Gunpla community кај нас (Има ентузијасти, ама повеќето не се знаат меѓу себе, и овој настан би послужил како линк кој би ги поврзал едни со други). Дополнително ќе има Раширување на Gunpla хобито кај нас. Нормално Добар помин Доследно, планирано е овој настан да прерасне во еден вид на катче за дружење и работилница за Gunpla понатака, но сепак, ќе одиме чекор по чекор.

Дали ќе има некои специјални гости на настанот и кои би биле тие?

Специјални гости би биле сите што планираат да присуствуваат на евентот, оние кои се веќе имаат интерес за Gundam/Gunpla, оние кои имаат интерес да видат нешто повеќе околу франшизата, оние кои сакаат да се дружат со fellow weebs итн.

МАРКЕТИНГ

Љубителите на Grand Theft Auto, гејмерите и креаторите на дигитална содржина ќе имаат можност да бидат дел од еден специјален настан посветен на долгоочекуваната GTA 6. На 19 ноември, во Скопје ќе се одржи GTA 6 Launch Event, кој истовремено ќе се организира на двете локации на Inferno Gaming Club – Inferno 1 во Тафталиџе и Inferno 2 во Кисела Вода.

Настанот ќе започне во 11:00 часот, а посетителите ќе можат да очекуваат целодневна дружба, гејминг, музика и атмосфера инспирирана од легендарниот Vice City. Организаторите најавуваат тематска музика во текот на целиот ден, со звук и енергија што ќе потсетуваат на препознатливиот свет на Grand Theft Auto, претворајќи ги гејминг-клубовите во места за вистинско GTA доживување.

Централниот дел од настанот ќе биде можноста посетителите да ја испробаат GTA 6 и одблизу да се запознаат со играта. Сите заинтересирани ќе можат да добијат свој термин за играње и да го искусат старо-новиот свет на Rockstar Games, но настанот нема да биде наменет исклучиво за оние што сакаат да седнат пред конзолата.

Идејата е да се создаде простор за собирање на домашната гејминг-заедница, размена на искуства, запознавање нови луѓе и поврзување на креаторите на дигитална содржина. Настанот ќе биде можност за дружба меѓу гејмери, стримери, јутјубери, инфлуенсери и сите оние што ја следат гејминг-културата, со можност за нови соработки и запознавања.

Посетителите ќе можат да разговараат за играта, да ги споделат своите први впечатоци, да разменат мислења за новините во GTA 6 и едноставно да поминат ден во друштво на луѓе со слични интереси. Со музика, тематска атмосфера и активности во текот на денот, организаторите сакаат настанот да прерасне во вистинско собирање на гејминг-заедницата, а не само во можност за тестирање на нова игра.

БЕСПЛАТНО ИГРАЊЕ, НО СО ЗАДОЛЖИТЕЛНО АПЛИЦИРАЊЕ ЗА ИГРАЊЕ

Една од најважните информации за сите заинтересирани е дека учеството и можноста за играње на GTA 6 се целосно бесплатни. Посетителите нема да треба да плаќаат за да ја испробаат играта, а можноста ќе биде достапна во текот на целиот настан.

Сепак, поради организацијата и распоредот на термините за играње, сите што сакаат да ја испробаат GTA 6 ќе треба однапред да аплицираат преку официјалниот формулар.

По апликацијата ќе се врши јавно влечење за сите луѓе што ќе се пријават за термин за играње, со што ќе се овозможи подобра организација и ќе се избегне непотребно чекање.

КОГА, КАДЕ И ЗОШТО?

GTA 6 Launch Event ќе се одржува на 19 ноември, со почеток во 11:00 часот, истовремено во Inferno 1 во Тафталиџе и Inferno 2 во Кисела Вода.

За сите љубители на Grand Theft Auto, ова ќе биде можност да го дочекаат новото поглавје на франшизата во друштво на домашната гејминг-заедница, со целодневна Vice City атмосфера, музика, дружење и, секако, можност први да ги споделат своите впечатоци од GTA 6.

GG анкета

вести и новости од

ПРИЈАТЕЛИТЕ на GG.MK

GG LFM

W00t w00t? GG ис лукинг фор мор!​
Стани дел од тимот на GG.MK!

GG ЛОВЦИ НА ТРОФЕИ

покажете го пленот

Претплати се на нашата мејлинг листа

Нема спам, нема замарање!
Само гејминг!