Splatoon 3 доаѓа во септември – Нов трејлер

Nintendo го објавија новиот трејлер за играта што е дел на една од нивните нови но доста прознати франшици – Splatoon 3. Во трејлерот може да видиме дека играта ќе пристигне оваа година во септември!

Поконкретно, Nintendo откри дека Splatoon 3 ќе се појави на Switch на 9ти септември. Трејлерот е речиси четири минутен кој прикажува дел од каква е играта, и изгледа предобро. Ако сте запознаени со Splatoon, точно знаете што добивате и што ќе гледате во трејлерот, но оваа нова игра не ја прикажува само визуелната надградба што ја доби Splatoon 3 (во споредба со Splatoon 2), туку и некои од новите оружја и механики.

Turf War е еден од најпопуларните модови што ја изгради франшизата Splatoon. Забавно е бидејќи е многу едноставно. Два тима се натпреваруваат кој што го исфарба теренот најмногу дур не истече времето. На крај кој има најмногу истурено боја и го има исфарбано целиот терен, односно целата стаза тој е победникот. Толку едноставно што секој може само да стисне Play и да може да игра.

„Онлајн битките на 4v4 Turf War на Splatoon 3 можат да создадат жестоки натпревари низ мешавина од нови и повратни стази, каде што тимовите се соочуваат за да покријат најмногу поврзина со своето мастило. Новиот трејлер дава увид во една од овие нови фази, Eeltail Alley, заедно со поглед на The Stringer – нов тип на оружје во облик на лак што ви овозможува да го фрлате мастилото странично и вертикално.”

Дел од Press Release

Nintendo исто така откри дека почнувајќи од денес, претплатниците на Nintendo Switch Online + Expansion Pack можат да го играат Splatoon 2 DLC, Octo Expansion, на Switch без дополнителни трошоци.

„Во DLC-то за Splatoon 2: Octo Expansion, играте како Agent 8, Octoling кој се буди без меморија на темна платформа на метрото. Шетате низ подземен објект кој што е во оваа авантура која опфаќа 80 мисии преполни со предизвици што нема да ги најдете во главната игра. Целта е да избегате од ова мрачно место да може да се вратите и да се борите со сите останати во турнирите:”

Дел од Press Release

Splatoon 3 нема да има само Multiplayer опција, туку ќе има и целосно нова и добра кампања. И дополнително ќе добие Co-op Mode кој ќе се вика Salmon Run. Splatoon 3 доаѓа на 9ти септември (2022) со цена од $59.99.

МАРКЕТИНГ

Спорели на:

Љубителите на Grand Theft Auto, гејмерите и креаторите на дигитална содржина ќе имаат можност да бидат дел од еден специјален настан посветен на долгоочекуваната GTA 6. На 19 ноември, во Скопје ќе се одржи GTA 6 Launch Event, кој истовремено ќе се организира на двете локации на Inferno Gaming Club – Inferno 1 во Тафталиџе и Inferno 2 во Кисела Вода.

Настанот ќе започне во 11:00 часот, а посетителите ќе можат да очекуваат целодневна дружба, гејминг, музика и атмосфера инспирирана од легендарниот Vice City. Организаторите најавуваат тематска музика во текот на целиот ден, со звук и енергија што ќе потсетуваат на препознатливиот свет на Grand Theft Auto, претворајќи ги гејминг-клубовите во места за вистинско GTA доживување.

Централниот дел од настанот ќе биде можноста посетителите да ја испробаат GTA 6 и одблизу да се запознаат со играта. Сите заинтересирани ќе можат да добијат свој термин за играње и да го искусат старо-новиот свет на Rockstar Games, но настанот нема да биде наменет исклучиво за оние што сакаат да седнат пред конзолата.

Идејата е да се создаде простор за собирање на домашната гејминг-заедница, размена на искуства, запознавање нови луѓе и поврзување на креаторите на дигитална содржина. Настанот ќе биде можност за дружба меѓу гејмери, стримери, јутјубери, инфлуенсери и сите оние што ја следат гејминг-културата, со можност за нови соработки и запознавања.

Посетителите ќе можат да разговараат за играта, да ги споделат своите први впечатоци, да разменат мислења за новините во GTA 6 и едноставно да поминат ден во друштво на луѓе со слични интереси. Со музика, тематска атмосфера и активности во текот на денот, организаторите сакаат настанот да прерасне во вистинско собирање на гејминг-заедницата, а не само во можност за тестирање на нова игра.

БЕСПЛАТНО ИГРАЊЕ, НО СО ЗАДОЛЖИТЕЛНО АПЛИЦИРАЊЕ ЗА ИГРАЊЕ

Една од најважните информации за сите заинтересирани е дека учеството и можноста за играње на GTA 6 се целосно бесплатни. Посетителите нема да треба да плаќаат за да ја испробаат играта, а можноста ќе биде достапна во текот на целиот настан.

Сепак, поради организацијата и распоредот на термините за играње, сите што сакаат да ја испробаат GTA 6 ќе треба однапред да аплицираат преку официјалниот формулар.

По апликацијата ќе се врши јавно влечење за сите луѓе што ќе се пријават за термин за играње, со што ќе се овозможи подобра организација и ќе се избегне непотребно чекање.

КОГА, КАДЕ И ЗОШТО?

GTA 6 Launch Event ќе се одржува на 19 ноември, со почеток во 11:00 часот, истовремено во Inferno 1 во Тафталиџе и Inferno 2 во Кисела Вода.

За сите љубители на Grand Theft Auto, ова ќе биде можност да го дочекаат новото поглавје на франшизата во друштво на домашната гејминг-заедница, со целодневна Vice City атмосфера, музика, дружење и, секако, можност први да ги споделат своите впечатоци од GTA 6.

GG анкета

вести и новости од

ПРИЈАТЕЛИТЕ на GG.MK

GG LFM

W00t w00t? GG ис лукинг фор мор!​
Стани дел од тимот на GG.MK!

GG ЛОВЦИ НА ТРОФЕИ

покажете го пленот

Претплати се на нашата мејлинг листа

Нема спам, нема замарање!
Само гејминг!