XBOX објави кога ќе ја добиеме Redfall

Xbox и Bethesda конечно го открија датумот на објавување на Redfall, кој е претстојниот Co-op Shooter од Arkane Studios. Прво прикажана во 2021 година, Redfall првично беше подготвена да излезе во 2022 година заедно со огромниот наслов од Bethesda – Starfiled. И додека двата наслови подоцна завршија со одложување на првата половина од оваа година, конечно имаме конкретен датум за заокружување на календарот кога станува збор за објваување на Redfall.

Датумот најавен за време на новата презентација на Xbox „Developer Direct“ денес, Redfall беше потврдено дека ќе ја видиме на 2-ри мај. Многу убав ден, прво скарица после идеме да гејмаме. Овој долгоочекуван датум на издавање на играта беше прикажан заедно со еден тон нови снимки од игра за проектот што им дадоа на фановите опширен поглед на тоа што ќе понуди насловот. Не само што Arkane ги покажа главните мисии и различните непријатели што ќе се видат во Redfall, туку исто така блескаше поголемо светло на страничните мисии и некои од уникатните оружја на играта.

Redfall е предвидено да биде една од најголемите ексклузивци што XBOX ги има издадено во подолго време. Во 2022 година заврши како неуспешна година за XBOX бидејќи компанијата не објави многу игри од фрст-парти во текот на целата календарска година. За среќа, оваа година веќе се обликува да биде многу подобра. Не само што Redfall сега ќе биде лансирана во мај, туку ќе биде придружена со Minecraft Legends која треба да пристигне кон крајот на април. Да не зборуваме, Xbox исто така објави нова игра денес насловена Hi-Fi Rush, која доаѓа од студиото зад The Evil Within. Иако сè уште не знаеме кога Starfield би можела да излезе, се чини дека оваа година ќе биде многу поздрава за фановите на Xbox во целина.

За потсетување, Redfall ќе биде достапена само на платформите од тековната генерација кога ќе излезе, што значи дека ќе може да се репродуцира на Xbox Series X, Xbox Series S и PC. Дополнително, бидејќи ова е наслов на Xbox од фрст-парти, ќе биде достапена и преку Xbox Game Pass на првиот ден од објавувањето.

МАРКЕТИНГ

Спорели на:

На 21 октомври, EA објави дека го затвора омиленото гејминг-студио BioWare и го откажува новото продолжение на серијалот Mass Effect. Веста предизвика голем шок, по што се појавија теории дека студиото било затворено поради притисок од Саудискиот јавен инвестициски фонд (PIF), кој неодамна ја презеде EA. Според пишувањето на Bloomberg, сега ја знаеме главната причина поради која издавачот го затвори BioWare: „Војна на ѕвездите“.

Според новинарот Џејсон Шрајер, EA неодамна добила можност да соработува со Lucasfilm на Walt Disney Co. на трета игра од серијалот Star Wars Battlefront. Додека раководителите на EA го разгледувале претстојното портфолио на издавачот, сфатиле дека имаат два научнофантастични акциски проекти за кои се предвидувало дека ќе чинат стотици милиони долари. Компанијата веќе се соочувала со огромен финансиски притисок по преземањето во вредност од 55 милијарди долари од страна на PIF. Сметајќи дека играта Mass Effect потенцијално би можела да се натпреварува со Star Wars, тие одлучиле да го затворат BioWare.

Иако развојот на Star Wars Battlefront 3 сè уште не е започнат, раководителите на EA ја сметале оваа игра за финансиски помалку ризичен од двата проекти. Со оглед на тоа што EA првично го купи BioWare делумно и поради серијалот Star Wars: Knights of the Old Republic на студиото, веста носи и одредена тажна иронија.

Портпарол на EA во соопштение изјавил дека компанијата „колективно ја донела оваа одлука по повеќемесечно планирање, разгледување и анализа, вклучително и внимателно разгледување на променливите деловни услови, динамиката во индустријата и нашите долгорочни приоритети“.

Што друго придонесе за затворањето?

Иако договорот за Star Wars бил пресудниот момент, Шрајер посочува и други фактори што довеле до затворањето на BioWare. Последната игра на студиото, Dragon Age: Veilguard, остварила 50 отсто помала продажба од очекуваната. Пред неа, Mass Effect: Andromeda од 2017 година наиде на прилично лош прием, а Anthem од 2019 година беше оценета како неуспешен проект во моделот на игри со постојана услуга. Пропаѓањето на BioWare беше бавно и долготрајно, при што EA постепено го намалувала бројот на вработени, сè додека не останале само 50 лица кога студиото беше затворено минатата недела.

EA со децении е критикувана поради начинот на кој управува со студијата што ги презема. Компанијата купи, а потоа затвори бројни омилени развивачи, меѓу кои Westwood (Command & Conquer), Origin (Ultima, Wing Commander), Pandemic (Star Wars Battlefront, Destroy All Humans), Black Box Games (Skate) и Visceral (Dead Space).

Набргу по затворањето на BioWare, поранешни вработени изјавија дека EA извршила притисок врз компанијата да отстрани знаме што се сметало за поддршка на правата на ЛГБТК+ заедницата од играта Mass Effect Universe, која била во развој. BioWare одамна е познат по инклузивното претставување во своите игри, нешто за кое некои шпекулираат дека можело да се најде на удар поради новата саудиска поддршка на EA.

Масовни отпуштања низ гејминг-индустријата

2026 година е уште една брутална година за индустријата за видеоигри. Додека буџетите за игри продолжуваат да растат, големите издавачи сè повеќе се фокусираат на постојните мегасеријали, оставајќи речиси сè друго настрана. Xbox започна „големо реструктурирање“ во јули, кое во наредните месеци ќе резултира со околу 3.200 отпуштања. Компанијата ги прекина врските со голем број свои познати студија, меѓу кои Ninja Theory, Double Fine, Undead Labs и Compulsion Games. Во меѓувреме, го стави Obsidian под раководство на Bethesda за да работи на игрите Fallout, а развојот на Halo му го довери на Activision, продуцентот на Call of Duty. Кога станува збор за индустријата на ААА-игри, очекувајте уште помалку оригинални идеи и повеќе продолженија засновани на познати брендови.

GG анкета

вести и новости од

ПРИЈАТЕЛИТЕ на GG.MK

GG LFM

W00t w00t? GG ис лукинг фор мор!​
Стани дел од тимот на GG.MK!

GG ЛОВЦИ НА ТРОФЕИ

покажете го пленот

Претплати се на нашата мејлинг листа

Нема спам, нема замарање!
Само гејминг!