Troy Baker е следниот Indiana Jones во Игрите

Indiana Jones and The Great Circle официјално беше откриени од MachineGames за време на изложбата на Xbox Developer Direct.

Набргу потоа, беше потврдено дека познатиот актер Трој Бејкер ќе го дава гласот на насловниот лик! Ова беше одма приметено од страна на голем број гејмери бидејќи знаеа за кого се работи уште веднаш!

Во објавата на Entertainment Weekly која ја потврди веста, беше откриено дека Трој Бејкер, исто така, обезбедил изведби за снимање на движење за ликот – за што плодниот актер во никој случај не е непознат!

Од Joel накај Indiana Jones

Трој Бејкер е еден од најпопуларните и најпознати актери во оваа индустрија, кој се појави како главни ликови во наслови како The Last of Us, Shadow of Mordor, Saints Row IV, BioShock Infinite, Fort Solis, Far Cry 4 и безброј други продукции.

Неговата кариера трае триесет години, а сега тој ги позајмува своите вокални таленти на Indiana Jones во The Great Circle. Откриено денес, беше потврдено дека Indiana Jones and The Great Circle ќе бидат објавени подоцна во 2024 година, за што прецизно известувавме минатата недела.

Во трејлерот, беше откриена епска авантура со глобатизам, при што играчите ја преземаа контролата на Инди од перспектива на прво лице, решавајќи загатки и влегувајќи во интензивни борби против непријателите на земја… па и во воздух.

Indiana Jones and The Great Circle имаат солидна актерска екипа и изгледа автентично. Неизбежно ќе видиме многу повеќе во последователните откритија пред објавувањето на играта оваа година.

МАРКЕТИНГ

На 21 октомври, EA објави дека го затвора омиленото гејминг-студио BioWare и го откажува новото продолжение на серијалот Mass Effect. Веста предизвика голем шок, по што се појавија теории дека студиото било затворено поради притисок од Саудискиот јавен инвестициски фонд (PIF), кој неодамна ја презеде EA. Според пишувањето на Bloomberg, сега ја знаеме главната причина поради која издавачот го затвори BioWare: „Војна на ѕвездите“.

Според новинарот Џејсон Шрајер, EA неодамна добила можност да соработува со Lucasfilm на Walt Disney Co. на трета игра од серијалот Star Wars Battlefront. Додека раководителите на EA го разгледувале претстојното портфолио на издавачот, сфатиле дека имаат два научнофантастични акциски проекти за кои се предвидувало дека ќе чинат стотици милиони долари. Компанијата веќе се соочувала со огромен финансиски притисок по преземањето во вредност од 55 милијарди долари од страна на PIF. Сметајќи дека играта Mass Effect потенцијално би можела да се натпреварува со Star Wars, тие одлучиле да го затворат BioWare.

Иако развојот на Star Wars Battlefront 3 сè уште не е започнат, раководителите на EA ја сметале оваа игра за финансиски помалку ризичен од двата проекти. Со оглед на тоа што EA првично го купи BioWare делумно и поради серијалот Star Wars: Knights of the Old Republic на студиото, веста носи и одредена тажна иронија.

Портпарол на EA во соопштение изјавил дека компанијата „колективно ја донела оваа одлука по повеќемесечно планирање, разгледување и анализа, вклучително и внимателно разгледување на променливите деловни услови, динамиката во индустријата и нашите долгорочни приоритети“.

Што друго придонесе за затворањето?

Иако договорот за Star Wars бил пресудниот момент, Шрајер посочува и други фактори што довеле до затворањето на BioWare. Последната игра на студиото, Dragon Age: Veilguard, остварила 50 отсто помала продажба од очекуваната. Пред неа, Mass Effect: Andromeda од 2017 година наиде на прилично лош прием, а Anthem од 2019 година беше оценета како неуспешен проект во моделот на игри со постојана услуга. Пропаѓањето на BioWare беше бавно и долготрајно, при што EA постепено го намалувала бројот на вработени, сè додека не останале само 50 лица кога студиото беше затворено минатата недела.

EA со децении е критикувана поради начинот на кој управува со студијата што ги презема. Компанијата купи, а потоа затвори бројни омилени развивачи, меѓу кои Westwood (Command & Conquer), Origin (Ultima, Wing Commander), Pandemic (Star Wars Battlefront, Destroy All Humans), Black Box Games (Skate) и Visceral (Dead Space).

Набргу по затворањето на BioWare, поранешни вработени изјавија дека EA извршила притисок врз компанијата да отстрани знаме што се сметало за поддршка на правата на ЛГБТК+ заедницата од играта Mass Effect Universe, која била во развој. BioWare одамна е познат по инклузивното претставување во своите игри, нешто за кое некои шпекулираат дека можело да се најде на удар поради новата саудиска поддршка на EA.

Масовни отпуштања низ гејминг-индустријата

2026 година е уште една брутална година за индустријата за видеоигри. Додека буџетите за игри продолжуваат да растат, големите издавачи сè повеќе се фокусираат на постојните мегасеријали, оставајќи речиси сè друго настрана. Xbox започна „големо реструктурирање“ во јули, кое во наредните месеци ќе резултира со околу 3.200 отпуштања. Компанијата ги прекина врските со голем број свои познати студија, меѓу кои Ninja Theory, Double Fine, Undead Labs и Compulsion Games. Во меѓувреме, го стави Obsidian под раководство на Bethesda за да работи на игрите Fallout, а развојот на Halo му го довери на Activision, продуцентот на Call of Duty. Кога станува збор за индустријата на ААА-игри, очекувајте уште помалку оригинални идеи и повеќе продолженија засновани на познати брендови.

GG анкета

вести и новости од

ПРИЈАТЕЛИТЕ на GG.MK

GG LFM

W00t w00t? GG ис лукинг фор мор!​
Стани дел од тимот на GG.MK!

GG ЛОВЦИ НА ТРОФЕИ

покажете го пленот

Претплати се на нашата мејлинг листа

Нема спам, нема замарање!
Само гејминг!