Протестот и бојкотот „PlayStation Blackout“ не постигнал ништо

PlayStation

Незадоволните играчи се обидоа да го бојкотираат Sony во август, откако компанијата објави дека ќе ја прекине поддршката за физичките копии на игри. Сепак, се чини дека протестот PlayStation Digital Blackout доживеа неуспех.

Sony објави официјални податоци за вториот фискален квартал, со што јасно стави до знаење дека бојкотот не влијаел врз резултатите ниту малку. Наместо тоа, компанијата продолжила да расте, потврдувајќи го својот став дека прекинот на производство на физичките копии на игри нема да влијае врз работењето на Sony.

Со оглед на тоа што Sony ќе го прекине производството на правење физички копии во јануари 2028 година и наводно се обидува да воспостави монопол на дигиталните игри, сопствениците на PlayStation кои не беа задоволни од неодамнешните деловни практики на компанијата организираа бојкот. Од 23 до 30 август, гејмерите и користниците на PlayStation се обврзаа дека нема да купуваат игри, дигитални игри или да ги обновуваат претплатите на PlayStation Plus. И најинтересното беше дека нема ни да ги вклучуваат нивните конзоли.

Сепак, протестот и бојкотот привлече помалку внимание од очекуваното. Советникот за индустријата за видеоигри во Circana, Мет Пискатела, првично забележа дека немало значителна промена во бројот на играчи или нивната активност за време на бојкотот.

Финансиските извештаи ја потврдија незначителноста на протестот за работењето на Sony. Не само што продажбата и активноста не се намалиле, туку и се зголемиле, при што Marvel’s Wolverine на Insomniac Games го предводи растот со 2,4 милиони продадени копии.

Во споредба со претходниот квартал, бројот на месечно активни корисници се зголемил за 2 милиони, а дигиталната продажба пораснала за 138,8 милијарди јени – односно 158,7 милијарди јени ако се вклучат и дополнителните содржини, што изнесува околу 996,2 милиони долари, според просечниот девизен курс за вториот фискален квартал.

Со лансирањето на Grand Theft Auto 6 на 19 ноември, се очекува бројките да продолжат да растат и во овој фискален квартал. Со приближувањето на датумот на објавување, многу играчи ќе се погрижат да ги обезбедат своите претходни нарачки за да можат да ја преземат GTA 6 однапред, пред официјалното објавување. Дополнително, бидејќи физичкото издание на GTA 6 не содржи диск, повеќето едноставно ќе се одлучат да ја купат играта преку PS Store, што дополнително ќе ја зголеми дигиталната продажба.

Можеби ова е сурова реалност за поддржувачите на физичките медиуми, но вистината е дека одлуката на Sony да се насочи кон целосно дигитална иднина досега немала негативно влијание.

Со оглед на проценките дека следната генерација на Xbox на Microsoft би можела да чини до 1.800 долари – а притоа сè уште не се знае дали воопшто ќе има вграден читач за дискови – Sony веројатно ќе продолжи да бележи успех, без оглед на тоа што се оддалечува од физичките медиуми.

МАРКЕТИНГ

Спорели на:

Љубителите на Grand Theft Auto, гејмерите и креаторите на дигитална содржина ќе имаат можност да бидат дел од еден специјален настан посветен на долгоочекуваната GTA 6. На 19 ноември, во Скопје ќе се одржи GTA 6 Launch Event, кој истовремено ќе се организира на двете локации на Inferno Gaming Club – Inferno 1 во Тафталиџе и Inferno 2 во Кисела Вода.

Настанот ќе започне во 11:00 часот, а посетителите ќе можат да очекуваат целодневна дружба, гејминг, музика и атмосфера инспирирана од легендарниот Vice City. Организаторите најавуваат тематска музика во текот на целиот ден, со звук и енергија што ќе потсетуваат на препознатливиот свет на Grand Theft Auto, претворајќи ги гејминг-клубовите во места за вистинско GTA доживување.

Централниот дел од настанот ќе биде можноста посетителите да ја испробаат GTA 6 и одблизу да се запознаат со играта. Сите заинтересирани ќе можат да добијат свој термин за играње и да го искусат старо-новиот свет на Rockstar Games, но настанот нема да биде наменет исклучиво за оние што сакаат да седнат пред конзолата.

Идејата е да се создаде простор за собирање на домашната гејминг-заедница, размена на искуства, запознавање нови луѓе и поврзување на креаторите на дигитална содржина. Настанот ќе биде можност за дружба меѓу гејмери, стримери, јутјубери, инфлуенсери и сите оние што ја следат гејминг-културата, со можност за нови соработки и запознавања.

Посетителите ќе можат да разговараат за играта, да ги споделат своите први впечатоци, да разменат мислења за новините во GTA 6 и едноставно да поминат ден во друштво на луѓе со слични интереси. Со музика, тематска атмосфера и активности во текот на денот, организаторите сакаат настанот да прерасне во вистинско собирање на гејминг-заедницата, а не само во можност за тестирање на нова игра.

БЕСПЛАТНО ИГРАЊЕ, НО СО ЗАДОЛЖИТЕЛНО АПЛИЦИРАЊЕ ЗА ИГРАЊЕ

Една од најважните информации за сите заинтересирани е дека учеството и можноста за играње на GTA 6 се целосно бесплатни. Посетителите нема да треба да плаќаат за да ја испробаат играта, а можноста ќе биде достапна во текот на целиот настан.

Сепак, поради организацијата и распоредот на термините за играње, сите што сакаат да ја испробаат GTA 6 ќе треба однапред да аплицираат преку официјалниот формулар.

По апликацијата ќе се врши јавно влечење за сите луѓе што ќе се пријават за термин за играње, со што ќе се овозможи подобра организација и ќе се избегне непотребно чекање.

КОГА, КАДЕ И ЗОШТО?

GTA 6 Launch Event ќе се одржува на 19 ноември, со почеток во 11:00 часот, истовремено во Inferno 1 во Тафталиџе и Inferno 2 во Кисела Вода.

За сите љубители на Grand Theft Auto, ова ќе биде можност да го дочекаат новото поглавје на франшизата во друштво на домашната гејминг-заедница, со целодневна Vice City атмосфера, музика, дружење и, секако, можност први да ги споделат своите впечатоци од GTA 6.

GG анкета

вести и новости од

ПРИЈАТЕЛИТЕ на GG.MK

GG LFM

W00t w00t? GG ис лукинг фор мор!​
Стани дел од тимот на GG.MK!

GG ЛОВЦИ НА ТРОФЕИ

покажете го пленот

Претплати се на нашата мејлинг листа

Нема спам, нема замарање!
Само гејминг!