Во изработка е нова BATMAN игра

На интернет само што протече сосема нова Batman игра! Batman е еден од најпознатите и најпопуларните суперхерои во светот и на гејмингот и буквално целиот свет. Додека ликот помести планини за жанрот на суперхерои во филм, тој исто така беше одговорен за клучната пресвртница во адаптациите на видео игрите. Серијлот на Batman Arkham беше од суштинско значење за да им помогне на игрите со суперхерои да се чувствуваат како да се нешто посебно и нешто врвно, а не само евтини годишни изданија кои често се поврзуваа со нов филм. Игрите на Spider-Man почнаа да страдаат со текот на времето како резултат на тоа, но Batman успеа да го скрши овој калап и да создаде нешто што стоеше над сите други игри. И покрај завршувањето на тој серијал во 2015 година, Бетмен сè уште постои благодарение на ансамбл игрите како LEGO, MultiVersus и Injustice, па ајде и да го спомнеме еден од најголемите фејлови за оваа година во делот на гејмингот Gotham Knights. Но сепак квалитетен Batman, подобро да кажеме ЖИВ Batman не сме виделе многу одамна!

Како што забележал Jank Roettgers (via UploadVR), судскиот документ на FTC забележува дека Camouflaj работи на нова игра Batman VR за META. Инвеститорот е познат по неговата работа на Iron Man VR, игра која претходно беше ексклузивна за PlayStation VR, која сега се најде на Oculus откако студиото беше купено од Мета. Во документот се забележува дека тимот работи на Бетмен игра за уредот Meta’s Quest, но не нуди други детали. Rocksteady направи спин-оф за VR Arkham пред неколку години, но се чини поверојатно дека Camouflaj ќе си го направи своето.

Само времето ќе покаже како би изгледала оваа игра, но Мета се обидува да подготви здрава количина на возбудливи наслови од First-Party девелоперите за своите уреди. Rockstar Games дури направи договор да го донесе Grand Theft Auto: San Andreas на Meta уредот во блиска иднина. Веројатно ваквите зделки ќе продолжат да се случуваат со оглед на длабоките џебови на Мета, но кој знае дали тоа ќе се исплати.

МАРКЕТИНГ

Спорели на:

Xbox овој месец ја прославува својата 25-годишнина, а по тој повод ги изненадува фановите со бројни подароци и најави. Игри како Minecraft, Microsoft Flight Simulator 2024, Gears E-Day и други добија бесплатни содржини по повод прославата. Покрај бесплатните предмети во игрите, играчите добија и неколку возбудливи најави од студијата Id Software и MachineGames, кои се во сопственост на Bethesda.

Извршната директорка на Xbox, Аша Шарма, во четвртокот објави порака на X во која зборуваше за подобрувањата што пристигнуваат на Xbox, но тоа не беше сè. Таа ја промовираше и новата Slaughter Mode, бесконечен борбен режим за Doom: The Dark Ages. Во овој режим, играчите ќе се соочуваат со сè посилни бранови случајно избрани демони, со цел да освојат што повеќе поени и да собираат черепи кои можат да ги заменат за уникатни награди. По секој бран, ќе мора да одлучат дали ќе продолжат и ќе ризикуваат да го изгубат целиот дотогашен напредок или ќе се откажат и ќе се обидат повторно подоцна.

Ажурирањето со Slaughter Mode за Doom: The Dark Ages треба да биде објавено во понеделник, на 16 ноември. Бесплатно ќе биде достапно за играчите кои го поседуваат DLC-пакетот Revelations, како и за оние кои ја купиле премиум верзијата или премиум надградбата за Doom: The Dark Ages.

Id Software и MachineGames работат на нови игри

Студиото Id Software, кое стои зад Doom: The Dark Ages, одговори на објавата на Шарма за новото ажурирање и потврди дека неговите тимови во Тексас и Франкфурт работат на нова игра. Се чини дека мистериозниот проект сè уште е во рана фаза на развој, бидејќи Id Software не сподели многу детали. Сепак, потврди дека режисер на играта ќе биде Хуго Мартин, кој ја предводеше работата на The Dark Ages.

Ова не беше единствената најава за нова игра во четвртокот. Шарма потврди дека Wolfenstein 3 официјално е во продукција во студиото MachineGames. Ваквата најава беше очекувана, бидејќи минатата година шефот на студиото, Јерк Густафсон, потврди дека рестартирањето на серијалот Wolfenstein отсекогаш било замислено како трилогија. Сепак, официјалната потврда дека играта се развива претставува значаен чекор напред во однос на претходните гласини и шпекулации.

Двете најави беа придружени со малку детали, па веројатно станува збор за проекти кои сè уште се во рана фаза на развој. Сепак, ова се одлични вести за фановите кои со нетрпение очекуваат нови игри од овие студија. Засега ќе мора да почекаме за повеќе информации, но за среќа, новиот режим на игра во Doom: The Dark Ages ќе ни понуди нешто со што ќе го исполниме времето дотогаш.

GG анкета

вести и новости од

ПРИЈАТЕЛИТЕ на GG.MK

GG LFM

W00t w00t? GG ис лукинг фор мор!​
Стани дел од тимот на GG.MK!

GG ЛОВЦИ НА ТРОФЕИ

покажете го пленот

Претплати се на нашата мејлинг листа

Нема спам, нема замарање!
Само гејминг!