CD Projekt Red потврдија дека нешто повеќе од половина од компанијата се преселиле да работат на The Witcher 4, во моментов позната само како Project Polaris. Згора на тоа, премногу девелопери кои што работеа на Cyberpunk 2077 се префрлаат целосно да работат на овој нов проект бидејќи сметаат дека Cyberpunk 2077 веќе го завршија своето. Ова значи дека има можност за неколку месеци тотално сите да се посветат само на The Witcher 4.
Потврдата дојде за време на извештајот за заработката на компанијата во третиот квартал кој што беше споделен од CD Projekt Red денес.
Најавена дека е во изработка уште во 2022 година, следната игра од серијата The Witcher треба да започне нова трилогија за франшизата. Компанијата остана цврсто отворена за тоа што да очекуваме од играта или иднината на The Witcher како целина. Единственото нешто што е потврдено е дека тоа ќе биде RPG од отворен свет кој го продолжува наследството на The Witcher 3: Wild Hunt.
Со оглед на тоа што ова беше најавено само минатата година, ќе поминат години додека фановите ќе започнат да ја играат. Компанијата, сепак, соопшти дека штом Polaris ќе излезе, целата наредна трилогија ќе биде објавена во рок од шест години. Се разбира, како и со било што во видео игрите, тие планови би можеле да се променат нормално.
