Assassin’s Creed Mirage е Одложена

Assassin’s Creed Mirage наводно е одложена. Серијалот на Assassin’s Creed е круната на Ubisoft бидејќи собира големи пари и е неверојатно доверлива, односно сите знаеме за каква франшиза се работи и колку е обожавана од страна на многумина. Со текот на годините мораше да претрпи некои промени, но тоа е серијал што обожавателите многу го сакаат. Следниот дел од франшизата и серијалот, Assassin’s Creed Mirage, исто така, изгледа дека ја враќа серијата назад во нејзината златна ера каде што е малку помал по обем и не е џиновски RPG со голема мапа и стотици часови игра. За комперација последната AC Valhalla е масивна RPG игра која што навистина ќе потрошите стотици и стотици саати доколку сакате да видите буквално се што играта ви нуди. Јас лично кога целосно ја завршив целата игра со буквално превртување на секое камче на целата игра ми беа потребни околу 170 часа (без сите останати DLC’s).

Сепак, од играта навистина не сме виделе многу од кога беше најавена. Сè што знаеме е дека играта ќе излезе некогаш во 2023 година, но немаме идеја кога. Според инсајдерот Tom Henderson, играта требаше да биде објавена во август, но сега има внатрешно одложување, што ја паузира до октомври. Ова не е невообичаена временска рамка за серијата, но ја става во позафатен временски простор. Август е вообичаено прилично празен за нови изданија на игри и би било оптимално место да се стави. Сепак, објавувањето за време на празниците е исто така неверојатно поволно бидејќи овозможува да биде видливо поставено на полиците додека луѓето купуваат подароци.

Се разбира, ова навистина не ни значи многу во моментов. Сè уште нема датум за играта, така што евентуално внатрешно одложување не менува ништо. Ова е исто така гласина, па може да е погрешно. Во секој случај, веројатно можеме да очекуваме да слушнеме повеќе за датумот на објавување на играта ова лето.

МАРКЕТИНГ

Xbox сака повеќе содржини од Fallout, а по повеќегодишниот недостиг од нови игри, Bethesda Softworks планира да го исполни тоа барање. Bethesda планира да објави ремастерирани верзии на Fallout 3 и Fallout: New Vegas за современите платформи, соопшти компанијата во јули, како дел од големата најава за идните планови на студиото. Ремастерите се дел од поширок план за повторно инвестирање во игрите од серијалот Fallout — меѓу кои е и Fallout 5, кој моментално е во претпродукција — како и нов, сè уште неименуван проект на Obsidian Entertainment.

„Во моментов активно работиме на повеќе проекти од Fallout“, соопшти Bethesda во официјално соопштение ова лето. Меѓу нив е и Fallout 5, опишан како „долгорочна цел“ на студиото, како и „голема експанзија за Fallout 76“, планирана за 2027 година под името Raven Rock, која ќе претставува приказна што хронолошки му претходи на Fallout 3.

Bethesda потврди и две долгогодишни шпекулации, најавувајќи ремастери за Fallout 3 и Fallout: New Vegas. Студиото не објави дополнителни детали ниту период кога би требало да излезат игрите, но, според извештаите, на проектите се работи веќе многу години. Информациите за постоењето на ремастер на Fallout 3 датираат најмалку од 2020 година, кога проектот беше откриен преку судски документи поврзани со постапката на Федералната трговска комисија на САД (FTC) во врска со преземањето на Activision Blizzard од страна на Microsoft.

Класичните игри од Fallout се враќаат

Ремастерите на Fallout 3 и Fallout: New Vegas доаѓаат по минатогодишното објавување на The Elder Scrolls 4: Oblivion Remastered, игра развиена заеднички од Virtuos и Bethesda Game Studios. Bethesda во 2025 година одбележа и 10 години од излегувањето на Fallout 4, со објавувањето на Fallout 4: Anniversary Edition. Новото издание ја вклучуваше оригиналната игра, сите шест претходно објавени додатоци со дополнителна содржина (DLC), како и повеќе од 150 предмети преземени од Creation Club за Fallout 4.

Fallout 3 првично беше објавена во 2008 година за PlayStation 3, Windows PC и Xbox 360. Играта е третото главно продолжение во серијалот Fallout и првата што ја разви Bethesda, откако ги купи правата за франшизата од Interplay Entertainment. Дејството во Fallout 3 се одвива во Вашингтон и неговата околина, 200 години по разорната нуклеарна војна, а играчите ја преземаат улогата на 19-годишен жител на трезор, кој го бара својот исчезнат татко.

Fallout: New Vegas следеше во 2010 година, а ја разви Obsidian Entertainment. Дејството е сместено во пустината Мохаве, а играчите ја преземаат улогата на курир кој се вмешува во конфликт меѓу различни фракции што се борат за контрола врз регионот.

Покрај новите игри од Fallout, во тек е подготовката на третата сезона од телевизиската серија Fallout, чие снимање неодамна заврши. Bethesda Game Studios истовремено интензивно работи и на следната игра од својата фантастична RPG-серија: The Elder Scrolls 6: Sentinel е веќе во развој.

GG анкета

вести и новости од

ПРИЈАТЕЛИТЕ на GG.MK

GG LFM

W00t w00t? GG ис лукинг фор мор!​
Стани дел од тимот на GG.MK!

GG ЛОВЦИ НА ТРОФЕИ

покажете го пленот

Претплати се на нашата мејлинг листа

Нема спам, нема замарање!
Само гејминг!