Assassin’s Creed Mirage е Одложена

Assassin’s Creed Mirage наводно е одложена. Серијалот на Assassin’s Creed е круната на Ubisoft бидејќи собира големи пари и е неверојатно доверлива, односно сите знаеме за каква франшиза се работи и колку е обожавана од страна на многумина. Со текот на годините мораше да претрпи некои промени, но тоа е серијал што обожавателите многу го сакаат. Следниот дел од франшизата и серијалот, Assassin’s Creed Mirage, исто така, изгледа дека ја враќа серијата назад во нејзината златна ера каде што е малку помал по обем и не е џиновски RPG со голема мапа и стотици часови игра. За комперација последната AC Valhalla е масивна RPG игра која што навистина ќе потрошите стотици и стотици саати доколку сакате да видите буквално се што играта ви нуди. Јас лично кога целосно ја завршив целата игра со буквално превртување на секое камче на целата игра ми беа потребни околу 170 часа (без сите останати DLC’s).

Сепак, од играта навистина не сме виделе многу од кога беше најавена. Сè што знаеме е дека играта ќе излезе некогаш во 2023 година, но немаме идеја кога. Според инсајдерот Tom Henderson, играта требаше да биде објавена во август, но сега има внатрешно одложување, што ја паузира до октомври. Ова не е невообичаена временска рамка за серијата, но ја става во позафатен временски простор. Август е вообичаено прилично празен за нови изданија на игри и би било оптимално место да се стави. Сепак, објавувањето за време на празниците е исто така неверојатно поволно бидејќи овозможува да биде видливо поставено на полиците додека луѓето купуваат подароци.

Се разбира, ова навистина не ни значи многу во моментов. Сè уште нема датум за играта, така што евентуално внатрешно одложување не менува ништо. Ова е исто така гласина, па може да е погрешно. Во секој случај, веројатно можеме да очекуваме да слушнеме повеќе за датумот на објавување на играта ова лето.

МАРКЕТИНГ

Grand Theft Auto 6 се очекува да биде најголемата игра во серијалот досега, со огромна и современа верзија на Мајами, односно Вис Сити, како што го замислува Rockstar Games. Градот и околните области ќе бидат исполнети со ликови со кои играчите ќе можат да комуницираат, автомобили и други возила што ќе можат да ги крадат, како и локации од различен карактер што ќе можат да ги посетуваат. Се очекува сè да биде поголемо, пореалистично и подетално отколку во претходните игри од серијалот GTA. Затоа, играчите треба да очекуваат дека GTA 6 ќе зафаќа навистина многу простор и навреме да ослободат меморија пред дигиталното издание на играта во ноември.

Благодарение на профилот PlayStation Game Size, сега е познато колку простор ќе треба да ослободат сопствениците на PlayStation 5 за GTA 6.

Според податоците на PlayStation Game Size, Grand Theft Auto 6 ќе зафаќа дури 210 GB при објавувањето. Оваа големина се однесува на стандардното издание на играта за PS5. Засега не е познато дали поскапото Ultimate Edition ќе бара дополнителен простор.

Сè уште нема податоци за големината на инсталацијата на верзиите за Xbox Series X и Xbox Series S.

Колку простор зафаќа GTA 6 во споредба со претходните игри?

Големината на игрите може да се менува со објавувањето закрпи и дополнителни содржини, но постојат податоци за директна споредба. Според PlayStation Game Size, Grand Theft Auto 5 бара 95 GB простор на PlayStation 4 и 100 GB на PlayStation 5. Верзијата Grand Theft Auto 5 Enhanced за Windows, според податоците на Steam, бара 105 GB простор.

Тоа е значително зголемување во споредба со претходните игри од серијалот. Grand Theft Auto 4: The Complete Edition за PC бара само 22 GB простор на Steam.

Првата верзија на Grand Theft Auto за Windows имала многу поскромни барања и зафаќала само 652 MB, според податоците на веб-страница за стари игри што повеќе не се продаваат официјално.

Иако GTA 6 ќе зафаќа многу простор, таа не е најголемата игра во овој поглед. На пример, неодамна објавената Call of Duty: Modern Warfare 4 бара повеќе од 300 GB простор на конзолите Xbox. Серијалот Call of Duty е познат по големите инсталации, делумно поради редовните ажурирања и повеќето различни режими на играње. Пред шест години, Call of Duty: Black Ops Cold War привлече внимание со својата големина од 180 GB.

За среќа, љубителите на GTA ќе имаат доволно време однапред да ја преземат играта. Предвременото преземање на Grand Theft Auto 6 ќе започне на 12 ноември, додека играта ќе биде објавена за PlayStation 5 и Xbox Series X на 19 ноември.

GG анкета

вести и новости од

ПРИЈАТЕЛИТЕ на GG.MK

GG LFM

W00t w00t? GG ис лукинг фор мор!​
Стани дел од тимот на GG.MK!

GG ЛОВЦИ НА ТРОФЕИ

покажете го пленот

Претплати се на нашата мејлинг листа

Нема спам, нема замарање!
Само гејминг!