Assassin’s Creed Mirage е Одложена

Assassin’s Creed Mirage наводно е одложена. Серијалот на Assassin’s Creed е круната на Ubisoft бидејќи собира големи пари и е неверојатно доверлива, односно сите знаеме за каква франшиза се работи и колку е обожавана од страна на многумина. Со текот на годините мораше да претрпи некои промени, но тоа е серијал што обожавателите многу го сакаат. Следниот дел од франшизата и серијалот, Assassin’s Creed Mirage, исто така, изгледа дека ја враќа серијата назад во нејзината златна ера каде што е малку помал по обем и не е џиновски RPG со голема мапа и стотици часови игра. За комперација последната AC Valhalla е масивна RPG игра која што навистина ќе потрошите стотици и стотици саати доколку сакате да видите буквално се што играта ви нуди. Јас лично кога целосно ја завршив целата игра со буквално превртување на секое камче на целата игра ми беа потребни околу 170 часа (без сите останати DLC’s).

Сепак, од играта навистина не сме виделе многу од кога беше најавена. Сè што знаеме е дека играта ќе излезе некогаш во 2023 година, но немаме идеја кога. Според инсајдерот Tom Henderson, играта требаше да биде објавена во август, но сега има внатрешно одложување, што ја паузира до октомври. Ова не е невообичаена временска рамка за серијата, но ја става во позафатен временски простор. Август е вообичаено прилично празен за нови изданија на игри и би било оптимално место да се стави. Сепак, објавувањето за време на празниците е исто така неверојатно поволно бидејќи овозможува да биде видливо поставено на полиците додека луѓето купуваат подароци.

Се разбира, ова навистина не ни значи многу во моментов. Сè уште нема датум за играта, така што евентуално внатрешно одложување не менува ништо. Ова е исто така гласина, па може да е погрешно. Во секој случај, веројатно можеме да очекуваме да слушнеме повеќе за датумот на објавување на играта ова лето.

МАРКЕТИНГ

Игрите на Electronic Arts, како Mass Effect, Dragon Age и The Sims, со години вклучуваат истополови романтични врски, но преземањето на компанијата од страна на приватниот инвестициски фонд на Саудиска Арабија (PIF), Affinity Partners на Џаред Кушнер и инвестицискиот фонд Silver Lake ги промени работите. На пример, на физичкото издание на The Sims 2 се прикажани различни Симс-ликови во неколку пози, меѓу кои и пар што се бакнува и вонземјанин. Во Саудиска Арабија, насловната илустрација била целосно изменета, па на неа биле прикажани неколку машки Симс-ликови со безизразни лица.

Преземањето на EA од страна на приватни инвестициски фондови предизвика загриженост кај илјадници обожаватели кои се залагаат за правата на ЛГБТК-заедницата. Многумина стравуваа за иднината на BioWare, не само поради неодамнешните проблеми на студиото, туку и поради неговиот прогресивен пристап кон видеоигрите. Иако ова не било причината за затворањето на BioWare, се чини дека EA и претходно барала од развивачите да ги ублажат ваквите теми за време на развојот на сега откажаната игра Mass Effect Universe.

Поранешни вработени во BioWare разговарале со новинар на француската телевизија BFM TV и откриле интересни детали за развојот на новата, откажана игра од серијалот Mass Effect. Еден од вработените, кој зборувал анонимно, изјавил дека новото раководство не било особено убедено во проектот Mass Effect Universe.

„Мислам дека видеопрезентациите што му ги прикажавме на новото раководство не беа убедливи“, објаснил вработениот. „Особено затоа што BioWare е познато по инклузивното раскажување приказни, што не помогна да се отстранат сомнежите.“

Анонимниот извор навел и конкретен случај во кој од развивачите било побарано да отстранат одредено знаме од презентациско видео бидејќи „премногу личело на знамето на ЛГБТКИА+ заедницата“. Целта, според барањето, била „да не се навреди никого“.

Во интервјуто не е наведено кој точно побарал да се отстрани знамето, ниту дали развивачите го исполниле барањето.

Темите и приказната во Mass Effect оставија силен впечаток кај многу играчи, вклучително и кај припадниците на маргинализираните заедници, кои во вселенскиот брод Нормандија и неговиот екипаж наоѓале безбедно прибежиште. Иако откажувањето на проектот од страна на EA е разочарувачко, уште полошо ќе било доколку компанијата го уништела она што BioWare со години се трудела да го изгради.

GG анкета

вести и новости од

ПРИЈАТЕЛИТЕ на GG.MK

GG LFM

W00t w00t? GG ис лукинг фор мор!​
Стани дел од тимот на GG.MK!

GG ЛОВЦИ НА ТРОФЕИ

покажете го пленот

Претплати се на нашата мејлинг листа

Нема спам, нема замарање!
Само гејминг!