Nintendo Switch 2 – Рецензија

Nintendo Switch 2 во Македонија како и многу други работи малку заглави на царина, не го добивме на прв ден како што беше планирано, па ние коишто бевме љубопитни да го истестиравме и маста да му ја извадиме, моравме малку да запалиме кола и да одиме кај нашиот јужен сосед. Нема да навлегуваме во детали за тоа, но сепак доколку некој го интересира, конзолата е купена од Грција. Со ЕДИНСТВЕНАТА игра којашто беше нова и достапна да се купи цената беше како таа што си беше најавена.

Switch 2 е конзолата којашто долго време се очекуваше да ја добиеме, многу често се запрашувам и зошто тоа го мислев дека ја чекам и посакувам … Уште од моментот кога протече хардверот којшто ќе се користи во самата конзола беше јасно дека овој Switch 2 ќе биде само малку подобрен, но во секој друг аспект ќе биде истиот уред. Со многу минимални промени. Дали тоа разочарува? Сакам да кажам да многу, но сепак подоле ќе сфатите подобро.

Оваа рецензија ја пишувам после целосно поминати 24 часа со уредот и конзолата, тестиран за се што е потребно и сметам дека 24 часа користење е максимално време за колку треба и може да се ужива со овој уред на којшто му е ставено само бројка во името и како што кажав само некои работи се подобрени. Од одма морам да кажам дека чувството на купување Свич 2 би можел да го споредам на едноставен начин. Мобилните уреди на самсунг имаат повеќе серии како S, A, M … Доколку сте користеле A или M серија на Самсунг мобилен уред и сте биле задоволни, кога ќе земете S серија веднаш чувствувате промена и квалитет. Епа A серија е Switch 1, S серија е Switch 2.

Nintendo Switch 2, Фото: Марио Спасевски, GG.MK

Квалитетот на Switch 2 е единственото позитивно нешто…

Како што кажав погоре, споредбата со Самсунг мобилните уреди, навистина не може да се опише колку Switch 2 е подобрен во квалитет во секој аспект од првиот свич и Свич Олед (освен во екранот, не се рамни со Олед). Ќе почнам прво да зборам за екранот којшто поради некоја причина во 2025 година е LCD, но сепак за зачувување на батерија ќе се преживее и LCD додека не дојде OLED верзијата. Прилично голем уред со 7.9″ екран којшто за мене лично е малку поголем од што би сакал да биде. За некои луѓе па може и екранот да е мал, но јас преферирам барем малку поголем од телефон, ова е многу повеќе од мобилниот уред којшто моментално го користите или ви е ставен во близина.

Екранот е Full HD со поддршка на 120FPS, HDR, VRR и сите можни чуда. Доколку на стариот уред можевте да ги гледате пикселите во игрите, овде едноставно можете да уживате во вашите омилени Нинтендо светови. Уште од моментот кога ќе стиснете Power On, одма се гледа драстичната промена којашто е за плакнење очи. Ако сакате пак споредба, доколку се промените од добар Full HD телевизор на 4K телевизор, епа такво е чувството.

Оној грдиот и најглупавиот држач којшто доаѓање со стариот уред, којшто подоцна го средија на оледот, но сепак на првиот модел никако не си ја вршеше својата функција бидејќи дизајнерот очигледно не знаел што прави … Во новиот уред Switch 2 е направен маестрално. Многу наликува како држачот на ОЛЕД уредот само што има дупка во самиот држач за полесно и секакво местење. Како сакате можете да го наместите уредот па дури и можете повеќе сила да употребите на држачот. Шансите да се скрши, пукне или нешто да му се случи се многу помали од порано. Нормално ако го форсирате тоа ќе пукне … Пластика е … Но сепак за секојдневно користење е маестрално квалитетно направен.

Свич секогаш за мене бил уред којшто примарно сакам да го играм во таблет верзијата, многу ретко сакав да го играм на ТВ. Кога веќе е рачен уред, сакам да го користам за тоа што е наменет. Да, супер е и да се стави во „Докот“ и да си се поврзе тоа на телевизор, но сепак на крај на денот таблет моментот ми е тоа што ме исполнуваше. Но … 4К резолуција дами и господа … Не знам како би го играл во Таблет верзија овој уред. Мора да се види и почувствува тоа што е за 4К во док верзија, бидејќи сепак разликата се приметува и тоа драааастично многу!

Но сепак колку и да убаво да се игра и во таблет форма и во ДОК форма на телевизор, целиот уред, и таблетот и докот се МАГНЕТИ за прсти и прашина. Во секунда се лепи се на него, ужасно премногу остануваат отисоците од рацете и прстите на уредот, а посебно на докот. Тој треба да се земе внимателно, да се стави на полица, да се исчистат отисоците каде што е фаќан и после само да се чисти од прашина.

Nintendo Switch 2, Фото: Марио Спасевски, GG.MK

Уредот е многу цврст!

Под цврст не значи дека вие можете да го мавате од земја, или да му удирате боксови и да издржи, под цврст подразбирам на колку е добро изработен, специфично за многу скептичните моменти. Уште од самото претставување сите станаа скептици како новите Joy-Cons (контролери) коишто овој пат се на магнет, ќе бидат издржливи. Контролерите всушност се држат на една плочка којашто ги конектира, и сите кренаа паника дека уште во првиот момент тие ќе бидат скршени. Да … можат да се скршат ако сте лудаци и стварно сакате да го скршите … Но Нинтендо имаат направено фора а тоа е дека не се стабилни, туку малку се мрдаат што доколку и вие со сила сакате да ги извадите контролерите, тие ќе излезат. Под сила мислам на желба стварно да ги откорнете.

Така што, немојте да се плашите од никакво кршење на контролерите, од запците/плочките коишто ги држат контролерите и од ништо такво. Интересно е што контролерите можете да ги ставите како сакате. Не е потребно синиот на сината страна или црвениот на црвената страна. Можете и обратно да ги ставите, ако мислите дека можете да играте обратно … Но исто така можете да ги свртите и целосно од другата страна … Спидранери веќе го прават ова.

Материјалот на копчињата е доста квалитетен. Целиот материјал, посебно копчињата се облиени со специјална облога што ги прави A-B-X-Y и Up-Down-Left-Right да се под облогата. Со ова веројатно никогаш нема да доведе до обледување на копчињата. Но сепак и тие копчиња се малку чуднички и малку болат прстите после неколку часа играње на … повторно мора да се спомне … Единствената нова игра којашто е достапна уште од прв ден – Mario Kart World.

Болат прсти од Копчињата

Во овие 24 часа од како го имам и тестирам новиот Свич 2 извозев голем број на трки во новата Марио Карт и извозев многу километри низ целиот отворен свет којшто го нуди самата игра. Многу пати требаше да правам пауза од неколку минути поради тоа што прстите страшно многу ме убиваа поради чудните копчиња коишто го имаше контролерот. Од тригерите не толку, тригерите се предобро направени, но сепак копчињата можеби дека се помали за разлика од други големи контролери, навистина ме убиваа.

Копчињата се буквално исти како и од стариот Свич уред, но сепак овој пат дали дека е нешто ново, дали облогата е малку појака од што е потребно, новите копчиња за мене лично се голема негативна работа. Можеби не сум навикнат толку долго да гејмам на Нинтендо Свич, но сепак се чувствував како да гејмам на многу лоша изработена конзола со лоша пластика …

Најдобар предлог е да ја играте конзолата со контролерот на којшто се закачуваат малите џој-кони. Овој пат иако изгледа најглупаво на цел свет како и минатата генерација … е мноооогу подобро и поквалитетно изработен.

Nintendo Switch 2 Joy-Cons

Дали вреди Switch 2?

Честитки ако си од оние што само „скролна“ најдоле да го прочиташ ова, не е лошо ни тоа. Но сепак, доколку се прочита и стигна до тука браво и за тебе. Дали вреди Switch 2 е најдоброто прашање од аспект на цена, колку нови игри има достапни на прв ден, колку е новата цена на игри и сите други работи. Веднаш би кажал дека одговорот на прашањето Дали вреди е најтешко да се одговори и би кажал директно „ДА и НЕ“.

Зошто не вреди -Многу е скап уредот и многу се скапи новите игри. За тоа што го добивате навистина толкава голема сума на пари не вреди. Да дадете 500 евра на уред којшто доаѓа само со една игра, којашто не е нова сериозна Марио или Зелда игра, туку е само Марио факинг Карт игра, којашто е добра но сепак е КАРТ, е многу глупаво искрено … Доколку имате стара конзола свич не вреди ниту малку да правите ажурирање од тоа да вложите во нешто ново. Доколку имате се изиграно, и не сакате повторно да ги играте сите игри во подобра резолуција нема никаква поента сè уште да се купува.

Зошто вреди – Се работи за нова конзола. Да не се лажеме првата и главна причина зошто вреди да се купи е дека се работи за тотално нова конзола којашто можеби пред тоа имало нешто слично, но сепак ова е ново и многу подобро … Настрана од тоа, Switch 2 вреди и поради неколку други работи. Како на пример доколку сакате да имате Switch нов, можеби е глупо и скапо но е подобро да се вложува во оваа конзола за разлика од стариот свич уред. Најдобро е да вложите во овој нов модел со тоа што доколку сакате да ги играте старите игри, доколку ги немате играно, ќе си барате луѓе коишто ќе ви ги донираат за да ги изиграте. Единствена причина зошто би го предложил е само доколку сте немале. Нема друга причина искрено … или не знам што друго би кажал.

Кога е најдобро да се купи – Како што кажав и погоре, веднаш доколку имате финансии да вложите и сакате, но доколку не ви е мерак, почекајте да излезат нови игри коишто ќе ви фатат око.

Nintendo Switch 2, Фото: Марио Спасевски, GG.MK

МАРКЕТИНГ

Xbox овој месец ја прославува својата 25-годишнина, а по тој повод ги изненадува фановите со бројни подароци и најави. Игри како Minecraft, Microsoft Flight Simulator 2024, Gears E-Day и други добија бесплатни содржини по повод прославата. Покрај бесплатните предмети во игрите, играчите добија и неколку возбудливи најави од студијата Id Software и MachineGames, кои се во сопственост на Bethesda.

Извршната директорка на Xbox, Аша Шарма, во четвртокот објави порака на X во која зборуваше за подобрувањата што пристигнуваат на Xbox, но тоа не беше сè. Таа ја промовираше и новата Slaughter Mode, бесконечен борбен режим за Doom: The Dark Ages. Во овој режим, играчите ќе се соочуваат со сè посилни бранови случајно избрани демони, со цел да освојат што повеќе поени и да собираат черепи кои можат да ги заменат за уникатни награди. По секој бран, ќе мора да одлучат дали ќе продолжат и ќе ризикуваат да го изгубат целиот дотогашен напредок или ќе се откажат и ќе се обидат повторно подоцна.

Ажурирањето со Slaughter Mode за Doom: The Dark Ages треба да биде објавено во понеделник, на 16 ноември. Бесплатно ќе биде достапно за играчите кои го поседуваат DLC-пакетот Revelations, како и за оние кои ја купиле премиум верзијата или премиум надградбата за Doom: The Dark Ages.

Id Software и MachineGames работат на нови игри

Студиото Id Software, кое стои зад Doom: The Dark Ages, одговори на објавата на Шарма за новото ажурирање и потврди дека неговите тимови во Тексас и Франкфурт работат на нова игра. Се чини дека мистериозниот проект сè уште е во рана фаза на развој, бидејќи Id Software не сподели многу детали. Сепак, потврди дека режисер на играта ќе биде Хуго Мартин, кој ја предводеше работата на The Dark Ages.

Ова не беше единствената најава за нова игра во четвртокот. Шарма потврди дека Wolfenstein 3 официјално е во продукција во студиото MachineGames. Ваквата најава беше очекувана, бидејќи минатата година шефот на студиото, Јерк Густафсон, потврди дека рестартирањето на серијалот Wolfenstein отсекогаш било замислено како трилогија. Сепак, официјалната потврда дека играта се развива претставува значаен чекор напред во однос на претходните гласини и шпекулации.

Двете најави беа придружени со малку детали, па веројатно станува збор за проекти кои сè уште се во рана фаза на развој. Сепак, ова се одлични вести за фановите кои со нетрпение очекуваат нови игри од овие студија. Засега ќе мора да почекаме за повеќе информации, но за среќа, новиот режим на игра во Doom: The Dark Ages ќе ни понуди нешто со што ќе го исполниме времето дотогаш.

GG анкета

вести и новости од

ПРИЈАТЕЛИТЕ на GG.MK

GG LFM

W00t w00t? GG ис лукинг фор мор!​
Стани дел од тимот на GG.MK!

GG ЛОВЦИ НА ТРОФЕИ

покажете го пленот

Претплати се на нашата мејлинг листа

Нема спам, нема замарање!
Само гејминг!