Серијата „Assassin’s Creed“ на Netflix ќе се одвива во антички Рим

Assassin's Creed

Серијата „Assassin’s Creed“ на Netflix наводно ќе го истражува античкиот Рим. Тоа е според новиот извештај на Nexus Point News, кој тврди дека извори велат дека ТВ-серијата ќе истражува временски период досега недопрен од серијата игри, и ќе прикажува личности како што се царот Нерон и Сенека Помладиот. Доколку е вистина, тоа би значело дека серијата ќе се одвива помеѓу 54 и 68 година од нашата ера.

Според официјалниот опис на верзијата на „Assassin’s Creed“ на Netflix, серијата ќе биде „центрирана на тајната војна помеѓу две таинствени фракции – едната е насочена кон одредување на иднината на човештвото преку контрола и манипулација, додека другата се бори да ја зачува слободната волја. Серијата ги следи своите ликови низ клучни историски настани додека тие се борат да ја обликуваат судбината на човештвото“.

Адаптацијата на „Assassin’s Creed“ на Netflix првпат беше најавена во 2020 година. Серијата, која долго време се работи, ја водат Роберто Патино (DMZ, Westworld, Sons of Anarchy) и Дејвид Винер (Halo, Homecoming, The Killing), кои ќе бидат креатори, шоуранери и извршни продуценти на серијата. Снимањето во моментов се најавува дека ќе започне следната година, во Италија.

Како што објавивме претходно оваа недела, Тоби Волас ќе игра ко-главен лик во серијата „Assassin’s Creed“, која е базирана на истоимените игри на Ubisoft. Освен тоа, кого ќе игра Волас сè уште не е објавено, но според публикацијата, претстојната серија ќе има ликови различни од игрите.

МАРКЕТИНГ

Спорели на:

Љубителите на Grand Theft Auto, гејмерите и креаторите на дигитална содржина ќе имаат можност да бидат дел од еден специјален настан посветен на долгоочекуваната GTA 6. На 19 ноември, во Скопје ќе се одржи GTA 6 Launch Event, кој истовремено ќе се организира на двете локации на Inferno Gaming Club – Inferno 1 во Тафталиџе и Inferno 2 во Кисела Вода.

Настанот ќе започне во 11:00 часот, а посетителите ќе можат да очекуваат целодневна дружба, гејминг, музика и атмосфера инспирирана од легендарниот Vice City. Организаторите најавуваат тематска музика во текот на целиот ден, со звук и енергија што ќе потсетуваат на препознатливиот свет на Grand Theft Auto, претворајќи ги гејминг-клубовите во места за вистинско GTA доживување.

Централниот дел од настанот ќе биде можноста посетителите да ја испробаат GTA 6 и одблизу да се запознаат со играта. Сите заинтересирани ќе можат да добијат свој термин за играње и да го искусат старо-новиот свет на Rockstar Games, но настанот нема да биде наменет исклучиво за оние што сакаат да седнат пред конзолата.

Идејата е да се создаде простор за собирање на домашната гејминг-заедница, размена на искуства, запознавање нови луѓе и поврзување на креаторите на дигитална содржина. Настанот ќе биде можност за дружба меѓу гејмери, стримери, јутјубери, инфлуенсери и сите оние што ја следат гејминг-културата, со можност за нови соработки и запознавања.

Посетителите ќе можат да разговараат за играта, да ги споделат своите први впечатоци, да разменат мислења за новините во GTA 6 и едноставно да поминат ден во друштво на луѓе со слични интереси. Со музика, тематска атмосфера и активности во текот на денот, организаторите сакаат настанот да прерасне во вистинско собирање на гејминг-заедницата, а не само во можност за тестирање на нова игра.

БЕСПЛАТНО ИГРАЊЕ, НО СО ЗАДОЛЖИТЕЛНО АПЛИЦИРАЊЕ ЗА ИГРАЊЕ

Една од најважните информации за сите заинтересирани е дека учеството и можноста за играње на GTA 6 се целосно бесплатни. Посетителите нема да треба да плаќаат за да ја испробаат играта, а можноста ќе биде достапна во текот на целиот настан.

Сепак, поради организацијата и распоредот на термините за играње, сите што сакаат да ја испробаат GTA 6 ќе треба однапред да аплицираат преку официјалниот формулар.

По апликацијата ќе се врши јавно влечење за сите луѓе што ќе се пријават за термин за играње, со што ќе се овозможи подобра организација и ќе се избегне непотребно чекање.

КОГА, КАДЕ И ЗОШТО?

GTA 6 Launch Event ќе се одржува на 19 ноември, со почеток во 11:00 часот, истовремено во Inferno 1 во Тафталиџе и Inferno 2 во Кисела Вода.

За сите љубители на Grand Theft Auto, ова ќе биде можност да го дочекаат новото поглавје на франшизата во друштво на домашната гејминг-заедница, со целодневна Vice City атмосфера, музика, дружење и, секако, можност први да ги споделат своите впечатоци од GTA 6.

GG анкета

вести и новости од

ПРИЈАТЕЛИТЕ на GG.MK

GG LFM

W00t w00t? GG ис лукинг фор мор!​
Стани дел од тимот на GG.MK!

GG ЛОВЦИ НА ТРОФЕИ

покажете го пленот

Претплати се на нашата мејлинг листа

Нема спам, нема замарање!
Само гејминг!