Добредојдовте во Скопје! Dark-1 добија издавач за играта “СКОПЈЕ”

После долго време на правење, спремање, кодирање, цртање и се што е потребно да се направи една добра и квалитетна игра, едно од најпознатите и популарните Гејминг Студија од Македонија Dark-1 конечно добија издавач кој што ќе им ја издаде нивната игра “СКОПЈЕ” на платформата Steam!

Издавачите на “СКОПЈЕ” ќе бидат PM Studios, Inc., познати по правење и издавање на голем број Indie игри како што е и Скопје.

Девелоперите од Dark-1 ја најави својата претстојна инди Сурвајвл игра уште многу одамна, и долго време играта беше во изработка бидејќи сепак студиото се состои од само тројца млади ентузијасти. Скопје е FPS стрип-стил игра со Rogue-lite елементи сместена во отворен свет. Самата игра е сместена во алтернативната историја на Балканот со посипување на ретро-футуристички елементи. Играчите ќе истражуваат паднат град и ќе се обидуваат да преживеат против хордите на мутирани суштества кои демнат на улиците. Не само што играчите ќе треба да се борат против овие чудовишта, туку ќе треба и да преживеат. Играчите ќе мора да ограбуваат, чистат и да научат како да преживеат.

За среќа, играчите имаат доверлив сојузник кој ќе им помогне во текот на нивното патување. Автобусот со име DOM служи како мобилна база што ќе ги заштити играчите од урнатиот свет. Внатре во DOM, играчите можат да ги надградат своите ликови со работи кои што ќе ги наоѓате низ Скопје. DOM служи и како порта кон светот каде што ќе се расплетува приказната. Во автобусот ќе дојде до комуникација со она што се случило со градот и предлози како да се спаси.

МАРКЕТИНГ

Љубителите на Grand Theft Auto, гејмерите и креаторите на дигитална содржина ќе имаат можност да бидат дел од еден специјален настан посветен на долгоочекуваната GTA 6. На 19 ноември, во Скопје ќе се одржи GTA 6 Launch Event, кој истовремено ќе се организира на двете локации на Inferno Gaming Club – Inferno 1 во Тафталиџе и Inferno 2 во Кисела Вода.

Настанот ќе започне во 11:00 часот, а посетителите ќе можат да очекуваат целодневна дружба, гејминг, музика и атмосфера инспирирана од легендарниот Vice City. Организаторите најавуваат тематска музика во текот на целиот ден, со звук и енергија што ќе потсетуваат на препознатливиот свет на Grand Theft Auto, претворајќи ги гејминг-клубовите во места за вистинско GTA доживување.

Централниот дел од настанот ќе биде можноста посетителите да ја испробаат GTA 6 и одблизу да се запознаат со играта. Сите заинтересирани ќе можат да добијат свој термин за играње и да го искусат старо-новиот свет на Rockstar Games, но настанот нема да биде наменет исклучиво за оние што сакаат да седнат пред конзолата.

Идејата е да се создаде простор за собирање на домашната гејминг-заедница, размена на искуства, запознавање нови луѓе и поврзување на креаторите на дигитална содржина. Настанот ќе биде можност за дружба меѓу гејмери, стримери, јутјубери, инфлуенсери и сите оние што ја следат гејминг-културата, со можност за нови соработки и запознавања.

Посетителите ќе можат да разговараат за играта, да ги споделат своите први впечатоци, да разменат мислења за новините во GTA 6 и едноставно да поминат ден во друштво на луѓе со слични интереси. Со музика, тематска атмосфера и активности во текот на денот, организаторите сакаат настанот да прерасне во вистинско собирање на гејминг-заедницата, а не само во можност за тестирање на нова игра.

БЕСПЛАТНО ИГРАЊЕ, НО СО ЗАДОЛЖИТЕЛНО АПЛИЦИРАЊЕ ЗА ИГРАЊЕ

Една од најважните информации за сите заинтересирани е дека учеството и можноста за играње на GTA 6 се целосно бесплатни. Посетителите нема да треба да плаќаат за да ја испробаат играта, а можноста ќе биде достапна во текот на целиот настан.

Сепак, поради организацијата и распоредот на термините за играње, сите што сакаат да ја испробаат GTA 6 ќе треба однапред да аплицираат преку официјалниот формулар.

По апликацијата ќе се врши јавно влечење за сите луѓе што ќе се пријават за термин за играње, со што ќе се овозможи подобра организација и ќе се избегне непотребно чекање.

КОГА, КАДЕ И ЗОШТО?

GTA 6 Launch Event ќе се одржува на 19 ноември, со почеток во 11:00 часот, истовремено во Inferno 1 во Тафталиџе и Inferno 2 во Кисела Вода.

За сите љубители на Grand Theft Auto, ова ќе биде можност да го дочекаат новото поглавје на франшизата во друштво на домашната гејминг-заедница, со целодневна Vice City атмосфера, музика, дружење и, секако, можност први да ги споделат своите впечатоци од GTA 6.

GG анкета

вести и новости од

ПРИЈАТЕЛИТЕ на GG.MK

GG LFM

W00t w00t? GG ис лукинг фор мор!​
Стани дел од тимот на GG.MK!

GG ЛОВЦИ НА ТРОФЕИ

покажете го пленот

Претплати се на нашата мејлинг листа

Нема спам, нема замарање!
Само гејминг!