Телевизискиот проект од Horizon Zero Dawn се подготвува за Netflix, објави Sony.
Во новата презентација (прочитајте ја, предобра е) пред инвеститорите, Sony, исто така, рече дека има телевизиско шоу God of War во развој за Amazon, како и дополнителен проект за Gran Turismo на кој исто така се работи. За сите овие веќе знаевме, за God of War малку повеќе дека ќе биде правено од страна на Amazon, но официјално за Horizon проектот дознавме дека ќе биде правен од страна на Netflix.
Нема информации и детали за прокетот – или некој од горенаведените проекти – или информации за тоа кога би можеле да видиме како тие се материјализираат. Ние малку се надеваме дека некој од Sony ќе збори со актерката од Game of Thrones – Rose Leslie да ја игра Aloy.
Овие три најнови ТВ проекти доаѓаат како додаток на уште три адаптации на видео игри кои Sony исто така ги наведе како дел од својата презентациска документација: серијата The Last of Us на HBO која моментално се снима, филм Ghost of Tsushima и Twisted Metal шоу за Peacock на NBC. Од нив, The Last of Us на HBO се чини дека е најблиску до објавување и моментално има нејасен датум за лансирање во 2023 година.
Кастингот за серијата Twisted Metal моментално е во тек. Претходно оваа недела, ѕвездата на Scream, Neve Campbell, беше дадена како предлог и можеби ќе ја игра улогата на Raven. Anthony Mackie, кој стана капетан Америка, ќе ја игра главната улога на John Doe. Ќе глумат и актерот од Sandman, ТThomas Haden Church и Stephanie Beatriz од Brooklyn 99.
Што се однесува до адаптацијата на Sony – Ghost of Tsushima, која изгледа подалеку, сме слушнале релативно малку. Во изминатите 12 месеци беа прикачени режисерот на John Wick – Chad Stahelsk и писателот Takashi Doscher. Наводно, адаптацијата се уште е во „ран развој“.
Зборот за новонајавените проекти Horizon, God of War и Gran Turismo доаѓа од аудио коментар на презентацијата, забележан од доверливиот аналитичар за видео игри David Gibson.
