That’s Incredible – Турнири за видео игри од 1983 година

Денешните натпревари во е-спорт може да се следат во живо преку многу стриминг платформи. И додека овие платформи за стриминг се релативно млад изум, конкурентната игра на видео игри постои речиси половина век. Тука се поставува прашањето – Како луѓето до сега гледале турнири за видео игри? И колку и да звучи нормално сепак одговорот е – Гледале на телевизија!

Се разбира, многу малку натпревари за е-спорт имаа свој телевизиски преност. Еден од најраните можеби и првиот снимен ТВ преност на турнирот во видео игри бил емитуван во 1983 година. Била емитувана од страна на американската ТВ компанија ABC во рамките на нејзината емисија “That’s Incredible!”

Емисијата најпрво имала извештај за турнирот наречен “North American Video Game Olympics” кој се одржал во јануари 1983 година во градот Отумва – Ајова. Организаторите на турнирот потоа го прогласиле нивниот град како “Главниот град на игрите во светот”. На турнирот играчите се натпреварувале во 5 различни игри: Frogger, Super Pac-Man, Donkey Kong Jr., Joust и Millepede. Шампионот на овој турнир бил Американецот Ben Gold кој што дошол од Далас.

Благодарение на таа победа, Gold и уште двајца натпреварувачи биле поканети на шоуто да учествуваат на нивниот главен турнир. И ткому тоа стана едно од најраните ТВ преноси на турнири за видео игри. Благодарение на самиот Ben Gold, имаме и документирана снимка како тоа изгледало пред 40 години.

На ABC турнирот се одигра малку поинаков состав. Се уште имаше Donkey Kong Jr., и Milipede, но остатокот од составот го сочинуваа Cosmos, Burgertime и Buck Rogers. Сите тројна натпреварувачи ги одиграле сите натпревари, а целта им била што поскоро да постигнат одреден број во играта за да можат да продолжат на следниот. Победник беше оној кој први ги постигна сите сет-поени.

Малку да се каже, ова натпреварување беше малку поинакво од денешните е-спорт турнири. Овде натпреварувачите буквално трчале меѓу аркадните машини во обид да го постигнат најдоброто можно време. Кој би кажал дека тогаш е-спортот не бил физичка активност… Во секој случај, натпреварувањето траело околу 15 минути, а победата на турнирот повторно ја однел земал големиот Ben Gold. Тој бил веројатно најпопуларниот дечко во неговото училиште после овие победи!

Само неколку месеци пред ова емитување, американскиот ТВ канал TBS ја емитувал премиерната епизода на Starcade, која се смета за прва ТВ емисија за видео игри, врз основа на која подоцна се појавиле и многу слични успеси на оваа серија. Тоа време во Хрватска се појавува емисија како “Модул 8”, а во Македонија овие емисии започнуваат во касни 90ти и рани 2000ти години.

Единствената причина зошто ова не се смета за класичен турнир е тоа што натпреварувачите за шоуто биле избрани врз основа на регистрација, односно немале елиминациски рунди преку кои тие би го добиле својот настап во шоуто. Во секој случај, вреди да се спомене, особено што имаме снимки од речиси сите епизоди, вклучувајќи ја и првата која се емитувала во 1982 година.

Врвот на емисијата Starcade е тоа што немало никака старосна граница! Натпреварувачите можеле да бидат дете од 12 години и возрасен човек од 30 години. Многу често се случувало возрасни мажи да играат против малолетни девојчиња… И заедно трчаат до аркадните машини… Дали ова доволно го опишува терминот “луди осумдесетти”?! Замислете ова да се случи во 2022 година…

МАРКЕТИНГ

Спорели на:

Љубителите на Grand Theft Auto, гејмерите и креаторите на дигитална содржина ќе имаат можност да бидат дел од еден специјален настан посветен на долгоочекуваната GTA 6. На 19 ноември, во Скопје ќе се одржи GTA 6 Launch Event, кој истовремено ќе се организира на двете локации на Inferno Gaming Club – Inferno 1 во Тафталиџе и Inferno 2 во Кисела Вода.

Настанот ќе започне во 11:00 часот, а посетителите ќе можат да очекуваат целодневна дружба, гејминг, музика и атмосфера инспирирана од легендарниот Vice City. Организаторите најавуваат тематска музика во текот на целиот ден, со звук и енергија што ќе потсетуваат на препознатливиот свет на Grand Theft Auto, претворајќи ги гејминг-клубовите во места за вистинско GTA доживување.

Централниот дел од настанот ќе биде можноста посетителите да ја испробаат GTA 6 и одблизу да се запознаат со играта. Сите заинтересирани ќе можат да добијат свој термин за играње и да го искусат старо-новиот свет на Rockstar Games, но настанот нема да биде наменет исклучиво за оние што сакаат да седнат пред конзолата.

Идејата е да се создаде простор за собирање на домашната гејминг-заедница, размена на искуства, запознавање нови луѓе и поврзување на креаторите на дигитална содржина. Настанот ќе биде можност за дружба меѓу гејмери, стримери, јутјубери, инфлуенсери и сите оние што ја следат гејминг-културата, со можност за нови соработки и запознавања.

Посетителите ќе можат да разговараат за играта, да ги споделат своите први впечатоци, да разменат мислења за новините во GTA 6 и едноставно да поминат ден во друштво на луѓе со слични интереси. Со музика, тематска атмосфера и активности во текот на денот, организаторите сакаат настанот да прерасне во вистинско собирање на гејминг-заедницата, а не само во можност за тестирање на нова игра.

БЕСПЛАТНО ИГРАЊЕ, НО СО ЗАДОЛЖИТЕЛНО АПЛИЦИРАЊЕ ЗА ИГРАЊЕ

Една од најважните информации за сите заинтересирани е дека учеството и можноста за играње на GTA 6 се целосно бесплатни. Посетителите нема да треба да плаќаат за да ја испробаат играта, а можноста ќе биде достапна во текот на целиот настан.

Сепак, поради организацијата и распоредот на термините за играње, сите што сакаат да ја испробаат GTA 6 ќе треба однапред да аплицираат преку официјалниот формулар.

По апликацијата ќе се врши јавно влечење за сите луѓе што ќе се пријават за термин за играње, со што ќе се овозможи подобра организација и ќе се избегне непотребно чекање.

КОГА, КАДЕ И ЗОШТО?

GTA 6 Launch Event ќе се одржува на 19 ноември, со почеток во 11:00 часот, истовремено во Inferno 1 во Тафталиџе и Inferno 2 во Кисела Вода.

За сите љубители на Grand Theft Auto, ова ќе биде можност да го дочекаат новото поглавје на франшизата во друштво на домашната гејминг-заедница, со целодневна Vice City атмосфера, музика, дружење и, секако, можност први да ги споделат своите впечатоци од GTA 6.

GG анкета

вести и новости од

ПРИЈАТЕЛИТЕ на GG.MK

GG LFM

W00t w00t? GG ис лукинг фор мор!​
Стани дел од тимот на GG.MK!

GG ЛОВЦИ НА ТРОФЕИ

покажете го пленот

Претплати се на нашата мејлинг листа

Нема спам, нема замарање!
Само гејминг!