Протекоа информации за Metal Gear Solid 4 Remaster

Изгледа дека треба да очекуваме наскоро да видем и римастер верзија на познатата Metal Gear Solid 4: Guns of the Patriots. Серијалот на Metal Gear Solid е една од најпознатите франшизи за игри, најмногу благодарение на генијот Хидео Коџима. Омилениот режисер на игри постојано иновирал во жанрот на стелт-акција со овие игри и раскажувал навистина длабоки, нијансирани приказни кои го издржале тестот на времето. За жал, како што одминуваше времето, овие игри беа сè потешко да се играат без оригиналните хардвери за кои беа објавени или без употреба на емулатор. За среќа, Konami го поправа тоа. Покрај римејкот на Metal Gear Solid 3: Snake Eater, добиваме и колекција од првите три Metal Gear Solid игри подоцна оваа година на сите релевантни платформи.

Со тоа, се чини дека Konami не застанува тука. Веќе беше задевано дека можеби ќе добиеме ремастер на Metal Gear Solid 4 едноставно затоа што гореспоменатата колекција е „VOL 1“, што сугерира дека ќе има повеќе, но ништо не е директно потврдено. Сепак на Twitter – Nitroid, прегледал официјална временска рамка на серијата Metal Gear Solid на официјалната веб-страница на Konami и открил дека има копчиња за место за Metal Gear Solid 4, Metal Gear Solid: Peace Walker и Metal Gear Solid V, што сугерира дека втор том (VOL.) е на пат. IGN, исто така, истакна дека ја потврдиле оваа информација со свои извори и потврди дека поставата за вториот том се чини дека е легитимна, иако не доби официјален коментар од Konami.

https://twitter.com/Nitroid/status/1671783337743007749?s=20

Ова би било прилично огромно бидејќи Metal Gear Solid 4 никогаш не била официјално достапена, природно, на која било платформа освен на PlayStation 3. Дел од ова е поради тоа колку од играта е дизајнирана да работи со уникатниот хардвер на PS3, како и некои лиценци за други производи, како што е iPod во играта.

МАРКЕТИНГ

Спорели на:

По една деценија затишје, серијалот Silent Hill се врати на голема врата. Konami кон крајот на 2025 година најави дека сакаат секоја година да објавуваат нова игра од серијалот. Амбициозниот план, според издавачот, е остварлив бидејќи компанијата веќе работи на „многу“ необјавени проекти. Досега Konami се придржува до оваа стратегија, со оглед на тоа што римејкот на Silent Hill 2, Silent Hill f и Silent Hill: Townfall излегоа во последните три години.

Според извештај на MP1st, Konami планира да го продолжи овој тренд со објавување на римејкот на оригиналниот Silent Hill, на кој работи Bloober Team, во 2027 година. Иако роковите за развој на игри често се менуваат, можно е играта да излезе во текот на следната година.

MP1st откри и имиња на две гласовни актерки кои ќе учествуваат во римејкот: Габриел Фриц и Џејд Метју. Фриц е англиско-германска актерка која претходно работела на игри како Battlefield 2042 и The Tomorrow Children, како и на телевизиската серија FBI: International. Метју, пак, се појавила во филмот Judy од 2014 година, Suite 313 и Torchwood: The Story Continues.

Засега не е откриено кои ликови ќе ги толкуваат актерките. Сепак, малата актерска екипа на оригиналниот Silent Hill ги ограничува можностите на ликовите Сибил Бенет, Лиса Гарланд, Далија Гилеспи, Шерил и Алеса.

Римејкот на Silent Hill од Bloober Team беше најавен во 2025 година

Претходно, инсајдерот Даск Голем тврдеше дека Bloober Team работи на римејкот на Silent Hill уште од 2022 година, што дополнително ја прави веројатна можноста играта да излезе во 2027 година. Konami официјално го најави римејкот во јуни 2025 година, по успехот на римејкот на Silent Hill 2 од Bloober Team.

Надвор од овие информации, деталите за играта се оскудни. Сепак, можно е Bloober Team повторно да пристапи сеопфатно кон преработката. Римејкот на Silent Hill 2 донесе значајни промени во однос на оригиналната игра, поради кои времето потребно за нејзино завршување речиси се удвои.

Bloober Team во моментов има густ распоред за објавување игри. Студиото веќе најави две хорор-игри за преживување за 2027 година: Star Trek: Shadow Frontier и Onyx: The Dark Grip, ексклузивна игра за Nintendo Switch 2, која, во необичен пресврт, ќе може да се игра само во рачен режим.

Студиото работи и на дополнителна содржина за Cronos: The New Dawn, како и на Layers of Fear 3. Благодарение на римејкот на Silent Hill 2 и играта Cronos, Bloober Team во последните години успеа значително да го подобри својот углед, откако игрите како The Medium и Layers of Fear од 2023 година оставија разочарувачки впечаток кај дел од публиката.

Со Silent Hill и неодамнешното издание на Castlevania: Belmont’s Curse, и Konami се врати на сцената на начин што малкумина го очекуваа.

GG анкета

вести и новости од

ПРИЈАТЕЛИТЕ на GG.MK

GG LFM

W00t w00t? GG ис лукинг фор мор!​
Стани дел од тимот на GG.MK!

GG ЛОВЦИ НА ТРОФЕИ

покажете го пленот

Претплати се на нашата мејлинг листа

Нема спам, нема замарање!
Само гејминг!