Rockstar Games ја претставија корицата за GTA 6 и најавија пред-нарачки

GTA 6

Grand Theft Auto 6 денес доби убаво изненадувачко ажурирање. За жал, не е третиот трејлер она што фановите го очекуваа, но има некои возбудливи информации. Покрај најавата за пред-нарачки од Rockstar, конечно е откриена и корицата за GTA 6.

Како што е откриено на Икс, во трејлерот се објави дека пред-нарачките ќе започнат на 25 јуни на дигиталните продавници и „одбрани продавачи“. Корицата може да се види на официјалната веб-страница за Grand Theft Auto 6, но можете да ја видите и целата подолу:

МАРКЕТИНГ

Спорели на:

Remedy Entertainment објави дека CONTROL Resonant продала повеќе од еден милион примероци за помалку од еден месец од нејзиното издавање. Со тоа, акциската RPG-игра стана најбрзо продаваното издание во 31-годишната историја на финското студио.

Remedy ја сподели веста на социјалните мрежи, заблагодарувајќи им се на играчите за поддршката и за тоа што се дел од заедницата на играта.

CONTROL Resonant беше објавена на 24 септември за PC, PlayStation 5 и Xbox Series X/S и доби претежно позитивни оценки од критичарите. Играта е продолжение на Control од 2019 година, а во неа играчите ја преземаат улогата на Дилан Фејден, кој истражува изобличена верзија на Њујорк додека работи со Федералното биро за контрола и ја бара својата исчезната сестра Џеси, главниот лик од првата игра.

CONTROL Resonant го надмина успехот на Alan Wake 2

Успехот на CONTROL Resonant е особено значаен ако се спореди со претходниот рекордер на студиото, Alan Wake 2. Хорор-продолжението од 2023 година достигна еден милион продадени примероци за околу два месеца, додека CONTROL Resonant ја постигна истата бројка за само три недели.

Сепак, брзата продажба не значи автоматски и брза заработка. На Alan Wake 2 му беше потребна повеќе од една година за да стане профитабилна, откако беа продадени околу два милиони примероци.

Жан-Шарл Годешон, новиот извршен директор на Remedy, кој ја презеде функцијата во февруари, ја опиша продажбата на CONTROL Resonant како „многу силен почеток“.

Тој истакна дека играта е првото издание од ваков размер што Remedy го објавува самостојно, во период исполнет со големи изданија од конкуренцијата. Според него, успехот покажува дека серијалот Control може да привлече и долгогодишни фанови и нови играчи.

Компанијата планира дополнително да ги развива и серијалите Control и Alan Wake, кои ги смета за клучни за нејзиниот иден раст.

Remedy треба да објави повеќе информации за финансиските резултати од CONTROL Resonant во рамките на презентацијата на деловните резултати за третиот квартал, закажана за 3 ноември.

GG анкета

вести и новости од

ПРИЈАТЕЛИТЕ на GG.MK

GG LFM

W00t w00t? GG ис лукинг фор мор!​
Стани дел од тимот на GG.MK!

GG ЛОВЦИ НА ТРОФЕИ

покажете го пленот

Претплати се на нашата мејлинг листа

Нема спам, нема замарање!
Само гејминг!