Девелоперите на играта „Samson“, Liquid Swords прогласија банкрот

Samson

Студиото Liquid Swords, развивачот на Samson, банкротира по неколку месеци неплатени плати, објавува Breakit. Речиси 30 вработени ќе добијат државна финансиска помош. Ова беше првото големо издание на Liquid Swords, кое излезе во април годинава.

Во извештај на Breakit од 15 октомври се наведува дека студиото, основано од Кристофер Сундберг, не успеало да им исплаќа плати на вработените неколку месеци, а засегнатите сега ќе добијат државен надомест. Во извештајот се наведува и дека стечајниот управник се надева дека ќе најде купувач.

Основано од Кристофер Сундберг, коосновачот на Avalanche Studios и креативниот директор на Just Cause, Liquid Swords го објави само овој проект. Samson се развиваше најмалку од 2020 година и беше инспирирана од мрачни игри со отворен свет, како Max Payne и Grand Theft Auto. Критичарите и играчите ѝ дадоа поделени оценки на играта, со резултат од 51 на Metacritic и корисничка оценка од 5,2 на платформата.

Играта има и поделени оценки на Steam, при што некои играчи се жалат на багови и контроли што бавно реагираат.

„Оваа игра има толку многу багови, а борбата е многу, многу лоша. Шокантно е што оваа игра беше објавена во 2026 година; можеби ќе имаше повеќе смисла да беше 2010 година. Чекав неколку месеци за повторно да ја играм и да ѝ дадам соодветна рецензија, мислејќи дека проблемите ќе бидат поправени, но ништо не беше поправено. Едноставно не вреди ниту за времето ниту за парите“, стои во една од рецензиите на Steam.

Други, попозитивни рецензии со воодушевување ја пофалија атмосферата на играта и нејзината оптимизација за Steam Deck. Сепак, во овој момент Liquid Swords се соочува со неизбежен банкрот, а Samson ќе остане единственото издание на студиото.

МАРКЕТИНГ

Тагови:

Спорели на:

Незадоволните играчи се обидоа да го бојкотираат Sony во август, откако компанијата објави дека ќе ја прекине поддршката за физичките копии на игри. Сепак, се чини дека протестот PlayStation Digital Blackout доживеа неуспех.

Sony објави официјални податоци за вториот фискален квартал, со што јасно стави до знаење дека бојкотот не влијаел врз резултатите ниту малку. Наместо тоа, компанијата продолжила да расте, потврдувајќи го својот став дека прекинот на производство на физичките копии на игри нема да влијае врз работењето на Sony.

Со оглед на тоа што Sony ќе го прекине производството на правење физички копии во јануари 2028 година и наводно се обидува да воспостави монопол на дигиталните игри, сопствениците на PlayStation кои не беа задоволни од неодамнешните деловни практики на компанијата организираа бојкот. Од 23 до 30 август, гејмерите и користниците на PlayStation се обврзаа дека нема да купуваат игри, дигитални игри или да ги обновуваат претплатите на PlayStation Plus. И најинтересното беше дека нема ни да ги вклучуваат нивните конзоли.

Сепак, протестот и бојкотот привлече помалку внимание од очекуваното. Советникот за индустријата за видеоигри во Circana, Мет Пискатела, првично забележа дека немало значителна промена во бројот на играчи или нивната активност за време на бојкотот.

Финансиските извештаи ја потврдија незначителноста на протестот за работењето на Sony. Не само што продажбата и активноста не се намалиле, туку и се зголемиле, при што Marvel’s Wolverine на Insomniac Games го предводи растот со 2,4 милиони продадени копии.

Во споредба со претходниот квартал, бројот на месечно активни корисници се зголемил за 2 милиони, а дигиталната продажба пораснала за 138,8 милијарди јени – односно 158,7 милијарди јени ако се вклучат и дополнителните содржини, што изнесува околу 996,2 милиони долари, според просечниот девизен курс за вториот фискален квартал.

Со лансирањето на Grand Theft Auto 6 на 19 ноември, се очекува бројките да продолжат да растат и во овој фискален квартал. Со приближувањето на датумот на објавување, многу играчи ќе се погрижат да ги обезбедат своите претходни нарачки за да можат да ја преземат GTA 6 однапред, пред официјалното објавување. Дополнително, бидејќи физичкото издание на GTA 6 не содржи диск, повеќето едноставно ќе се одлучат да ја купат играта преку PS Store, што дополнително ќе ја зголеми дигиталната продажба.

Можеби ова е сурова реалност за поддржувачите на физичките медиуми, но вистината е дека одлуката на Sony да се насочи кон целосно дигитална иднина досега немала негативно влијание.

Со оглед на проценките дека следната генерација на Xbox на Microsoft би можела да чини до 1.800 долари – а притоа сè уште не се знае дали воопшто ќе има вграден читач за дискови – Sony веројатно ќе продолжи да бележи успех, без оглед на тоа што се оддалечува од физичките медиуми.

GG анкета

вести и новости од

ПРИЈАТЕЛИТЕ на GG.MK

GG LFM

W00t w00t? GG ис лукинг фор мор!​
Стани дел од тимот на GG.MK!

GG ЛОВЦИ НА ТРОФЕИ

покажете го пленот

Претплати се на нашата мејлинг листа

Нема спам, нема замарање!
Само гејминг!