Capcom работат на 5 Resident Evil игри

Според новиот извештај, што го добивме денес од инсајдери, Capcom симултано работат на пет игри од серијалот Resident Evil, од кои едната е Resident Evil 9!Таа игра е директен потком и продолжение на фамозната Resident Evil Village. Со оглед на успехот на новите главни изданија, како Resident Evil 7 и Resident Evil Village, како и успехот на неодамнешните преработки, како што се Resident Evil 2 и Resident Evil 4, не е изненадувачки што има повеќе од една игра на Resident Evil во изработка од Capcom. Но 5 симултано… е тоа е сериозно.

Во извештајот нормално се спомнува Resident Evil 9, но нема друг специфичен наслов. Ова ни кажува дека ќе имаме уште четири RE игри што немаме поим што би биле тие. Една е секако римејк, тоа барем го знаеме. Веројатните кандидати вклучуваат Resident Evil: Code Veronica и Resident Evil 5. Resident Evil 0 е исто така опција. Ова остава најмалку две, ако не и три ненајавени игри. За таа цел, нема да бидеме изненадени доколку се работи за некој вид на лајф-сервис игра, можеби дури и игра која повеќе се приклонува кон жанрот за преживување, бидејќи е доста популарна во моментов. Сепак, сето ова е шпекулација одвоена од извештајот, кој доаѓа од Dusk Golem.

Кога станува збор за Resident Evil, овој извор се смета за еден од најдобрите за RE, бидејќи сепак Dusk Golem беше во право за многу работи кога станува збор за франшизата. Што се однесува до Capcom, тие не го коментираа овој извештај во никакво својство, ниту шпекулациите што ги создаде. Не очекуваме дека ова ќе се промени поради неколку причини.

МАРКЕТИНГ

Warhorse Studios, развивачот на Kingdom Come: Deliverance, се чини дека е најновото студио за видеоигри погодено од сајбернапад. Студиото потврди во соопштение дека било погодено од безбедносен инцидент и дека моментално ја проценува големината на штетата. Чешкото студио соработува со експерти за сајбербезбедност и со „надлежните институции“ додека спроведува истрага.

„Ова е сериозен инцидент за Warhorse Studios и за сите погодени од него“, изјави Мартин Фрива́лдски, извршен директор на студиото.

„Наш приоритет во моментов е да ги обезбедиме нашите системи, да го утврдиме целосниот обем на упадот и да ги преземеме неопходните чекори за заштита на нашите вработени, партнери и заедницата. Ги посветуваме потребните ресурси за справување со ситуацијата и ќе споделиме дополнителни информации штом тоа ќе биде одговорно возможно“, додаде тој.

Warhorse соопшти дека нема да дава интервјуа ниту дополнителни коментари за случајот. Студиото најави дека ќе објави дополнителни проверени информации кога тие ќе бидат достапни.

Студијата за видеоигри во последните години се соочуваат со бран сајбернапади, а меѓу најпогодените е и Rockstar Games, развивачот на Grand Theft Auto 6. Во септември, групата хакери ShinyHunters ја нападна компанијата. Претходно, групата Cyberleeks упадна во системите на Rockstar и објави украдени снимки од играњето на GTA 6. Неколку години пред тоа, компанијата претрпе голем безбедносен пробив при кој беше откриена рана развојна верзија на играта.

Кои игри ги има развиено Warhorse Studios?

Warhorse Studios има развиено две игри – Kingdom Come: Deliverance и нејзиното продолжение, објавено во 2025 година. Kingdom Come: Deliverance 2 излезе на 4 февруари 2025 година и доби одлични оценки од критичарите. До крајот на истата година беа продадени повеќе од четири милиони примероци.

Студиото најави дека ќе работи на нова игра од серијалот Kingdom Come, а откри и дека развива игра сместена во Средната Земја од The Lord of the Rings.

Студиото се соочуваше и со контроверзии поврзани со изјавите на неговиот креативен директор и коосновач, Дан Вавра. Тој претходно се опиша себеси како развивач кој го поддржува движењето Gamergate, а во една прилика го спореди YouTube-каналот Feminist Frequency со нацистите што палеле книги, обвинувајќи го за обиди за „цензура“ на содржините во видеоигрите.

Во ироничен пресврт, Вавра и Warhorse се најдоа на мета на десничарски активисти кои се противат на прогресивните културни промени, откако беше откриено дека Kingdom Come: Deliverance 2 ќе содржи африкански лик и истополова романса.

Вавра ја бранеше содржината на играта, наведувајќи: „Сè што е прикажано одговара на моралните вредности и општествените норми во Бохемија во 1403 година и е вклучено единствено за да се раскаже интересна приказна, а не за да ѝ се удоволи на некаква ‘модерна публика’“.

На почетокот на 2026 година, Вавра објави дека се повлекува од функцијата креативен директор на студиото и преминува на позиција посветена на трансмедијални проекти, меѓу кои и претстојната играна адаптација на Kingdom Come: Deliverance.

Покрај контроверзиите поврзани со Вавра, преведувач и уредник во Warhorse Studios неодамна ја обвини компанијата дека го заменила неговото работно место со вештачка интелигенција. Тој изјави дека бил задолжен за преводите од чешки на англиски јазик за игрите на студиото.

GG анкета

вести и новости од

ПРИЈАТЕЛИТЕ на GG.MK

GG LFM

W00t w00t? GG ис лукинг фор мор!​
Стани дел од тимот на GG.MK!

GG ЛОВЦИ НА ТРОФЕИ

покажете го пленот

Претплати се на нашата мејлинг листа

Нема спам, нема замарање!
Само гејминг!