BlizzCon се враќа во 2023

Blizzard го враќа својот популарен годишен гејминг настан BlizzCon во 2023 година, иако во моментов не е јасно дали настанот ќе биде со посетители и фанови, онлајн или ќе биде само хибриден настан. Враќањето на BlizzCon го потврди Mike Ybarra, претседателот на Blizzard Entertainment, кој се осврна на статусот на BlizzCon во завршниот пост на крајот на годината, зборувајќи за тоа што компанијата направила во изминатата година и што планираат да прават во иднина.

Написот на Ybarra за 2022 година само накратко ја допре темата BlizzCon во преглед на различни кадровски промени што беа направени внатрешно во Blizzard оваа година. Тие промени го вклучија назначувањето на April McKee, поранешниот директор на XBOX Gaming како извршен продуцент на Blizzard за BlizzCon (McKee ја извршуваше работата уште од февруари 2022 година и покрај тоа што немаше BlizzCon оваа година).

Ќе има BlizzCon во 2023 година, изјави Ybarra, а претседателот на Blizzard потврди „Да, го враќаме BlizzCon!“. Ќе слушнеме повеќе за плановите за настанот во 2023 година на почетокот на самата година, иако не беше дадена временска рамка за тоа кога точно ќе слушнеме за плановите на Blizzard.

За контекст на минатите настани на Blizzard, еден се одржа во 2021 година, но тоа беше само онлајн настан бидејќи Blizzard и другите организатори на настани се мачеа да најдат начин како да направат такво големо нешто да биде поблиску до самите фанови. Причината беше големата COVID панедимија која што тој период беше во најжешките моменти! Меѓу другите најави, добивме нов изглед на некои преработени верзии на хероите на Overwatch за Overwatch 2. Сепак, BlizzCon 2022 не се случи во каква било форма, бидејќи Blizzard одлучи да го откаже настанот целосно оваа година. Додека загриженоста за СОВИД сè уште беше фактор, Blizzard беше особено во средината на тужба против Activision Blizzard.

МАРКЕТИНГ

Спорели на:

Persona 4 Revival и Persona 6 сè уште не се објавени, а веќе протекоа информации за уште една игра од серијалот Persona. Сосема соодветно за Ноќта на вештерките, на интернет се појавија нови снимки од римејк на Persona кој е во развој. Се чини дека станува збор за римејк на Revelations: Persona, првата игра од серијалот.

Што откри протекувањето на информации за Revelations: Persona?

Како што објави Persona Central, околу две минути гејмплеј од римејкот се појавиле на интернет на Ноќта на вештерките. Според снимките, главниот лик од првата игра истражува зандана во училишна средина, пред да влезе во борба. На снимката се појавува и Тацуја Суо, главниот лик од Persona 2: Innocent Sin. Се чини дека видеото било направено за интерна презентација, а обожавателите забележале дека во него се користат некои анимации од Persona 4 Revival.

Доколку ова е вистинито, римејкот веројатно сè уште е оддалечен неколку години од објавувањето. Не би очекувал да излезе пред објавувањето на Persona 4 Revival, која пристигнува во февруари 2027 година, и Persona 6, која сè уште нема датум на објавување. Без разлика на тоа, протечените снимки сугерираат дека Atlus била задоволна од реакциите на Persona 3 Reload и сака да ги преработи постарите игри од франшизата со естетика поблиска до модерните наслови на Persona.

Оваа ситуација уште еднаш потврдува дека игрите од серијалот Persona во последно време имаат проблем со честото протекување информации. Гејмплејот од Persona 3 Reload исто така протече пред официјалното најавување. Во меѓувреме, гласовните актери кои биле разочарани што не биле вклучени во продукцијата на Persona 4 Revival го открија постоењето на проектот пред неговото официјално претставување, а достигнувањата во Persona 6 протекоа претходно оваа година. Постојаното протекување информации сигурно не е добро за моралот во Atlus.

Сепак, добрата страна на протекувањата е тоа што можат да нè возбудат за игри кои сè уште не се официјално најавени. Јас дефинитивно сум возбуден што конечно ќе добијам можност да искусам нова верзија на Revelations: Persona, бидејќи никогаш претходно не сум ја играл.

GG анкета

вести и новости од

ПРИЈАТЕЛИТЕ на GG.MK

GG LFM

W00t w00t? GG ис лукинг фор мор!​
Стани дел од тимот на GG.MK!

GG ЛОВЦИ НА ТРОФЕИ

покажете го пленот

Претплати се на нашата мејлинг листа

Нема спам, нема замарање!
Само гејминг!