BlizzCon се враќа во 2023

Blizzard го враќа својот популарен годишен гејминг настан BlizzCon во 2023 година, иако во моментов не е јасно дали настанот ќе биде со посетители и фанови, онлајн или ќе биде само хибриден настан. Враќањето на BlizzCon го потврди Mike Ybarra, претседателот на Blizzard Entertainment, кој се осврна на статусот на BlizzCon во завршниот пост на крајот на годината, зборувајќи за тоа што компанијата направила во изминатата година и што планираат да прават во иднина.

Написот на Ybarra за 2022 година само накратко ја допре темата BlizzCon во преглед на различни кадровски промени што беа направени внатрешно во Blizzard оваа година. Тие промени го вклучија назначувањето на April McKee, поранешниот директор на XBOX Gaming како извршен продуцент на Blizzard за BlizzCon (McKee ја извршуваше работата уште од февруари 2022 година и покрај тоа што немаше BlizzCon оваа година).

Ќе има BlizzCon во 2023 година, изјави Ybarra, а претседателот на Blizzard потврди „Да, го враќаме BlizzCon!“. Ќе слушнеме повеќе за плановите за настанот во 2023 година на почетокот на самата година, иако не беше дадена временска рамка за тоа кога точно ќе слушнеме за плановите на Blizzard.

За контекст на минатите настани на Blizzard, еден се одржа во 2021 година, но тоа беше само онлајн настан бидејќи Blizzard и другите организатори на настани се мачеа да најдат начин како да направат такво големо нешто да биде поблиску до самите фанови. Причината беше големата COVID панедимија која што тој период беше во најжешките моменти! Меѓу другите најави, добивме нов изглед на некои преработени верзии на хероите на Overwatch за Overwatch 2. Сепак, BlizzCon 2022 не се случи во каква било форма, бидејќи Blizzard одлучи да го откаже настанот целосно оваа година. Додека загриженоста за СОВИД сè уште беше фактор, Blizzard беше особено во средината на тужба против Activision Blizzard.

МАРКЕТИНГ

Спорели на:

На 21 октомври, EA објави дека го затвора омиленото гејминг-студио BioWare и го откажува новото продолжение на серијалот Mass Effect. Веста предизвика голем шок, по што се појавија теории дека студиото било затворено поради притисок од Саудискиот јавен инвестициски фонд (PIF), кој неодамна ја презеде EA. Според пишувањето на Bloomberg, сега ја знаеме главната причина поради која издавачот го затвори BioWare: „Војна на ѕвездите“.

Според новинарот Џејсон Шрајер, EA неодамна добила можност да соработува со Lucasfilm на Walt Disney Co. на трета игра од серијалот Star Wars Battlefront. Додека раководителите на EA го разгледувале претстојното портфолио на издавачот, сфатиле дека имаат два научнофантастични акциски проекти за кои се предвидувало дека ќе чинат стотици милиони долари. Компанијата веќе се соочувала со огромен финансиски притисок по преземањето во вредност од 55 милијарди долари од страна на PIF. Сметајќи дека играта Mass Effect потенцијално би можела да се натпреварува со Star Wars, тие одлучиле да го затворат BioWare.

Иако развојот на Star Wars Battlefront 3 сè уште не е започнат, раководителите на EA ја сметале оваа игра за финансиски помалку ризичен од двата проекти. Со оглед на тоа што EA првично го купи BioWare делумно и поради серијалот Star Wars: Knights of the Old Republic на студиото, веста носи и одредена тажна иронија.

Портпарол на EA во соопштение изјавил дека компанијата „колективно ја донела оваа одлука по повеќемесечно планирање, разгледување и анализа, вклучително и внимателно разгледување на променливите деловни услови, динамиката во индустријата и нашите долгорочни приоритети“.

Што друго придонесе за затворањето?

Иако договорот за Star Wars бил пресудниот момент, Шрајер посочува и други фактори што довеле до затворањето на BioWare. Последната игра на студиото, Dragon Age: Veilguard, остварила 50 отсто помала продажба од очекуваната. Пред неа, Mass Effect: Andromeda од 2017 година наиде на прилично лош прием, а Anthem од 2019 година беше оценета како неуспешен проект во моделот на игри со постојана услуга. Пропаѓањето на BioWare беше бавно и долготрајно, при што EA постепено го намалувала бројот на вработени, сè додека не останале само 50 лица кога студиото беше затворено минатата недела.

EA со децении е критикувана поради начинот на кој управува со студијата што ги презема. Компанијата купи, а потоа затвори бројни омилени развивачи, меѓу кои Westwood (Command & Conquer), Origin (Ultima, Wing Commander), Pandemic (Star Wars Battlefront, Destroy All Humans), Black Box Games (Skate) и Visceral (Dead Space).

Набргу по затворањето на BioWare, поранешни вработени изјавија дека EA извршила притисок врз компанијата да отстрани знаме што се сметало за поддршка на правата на ЛГБТК+ заедницата од играта Mass Effect Universe, која била во развој. BioWare одамна е познат по инклузивното претставување во своите игри, нешто за кое некои шпекулираат дека можело да се најде на удар поради новата саудиска поддршка на EA.

Масовни отпуштања низ гејминг-индустријата

2026 година е уште една брутална година за индустријата за видеоигри. Додека буџетите за игри продолжуваат да растат, големите издавачи сè повеќе се фокусираат на постојните мегасеријали, оставајќи речиси сè друго настрана. Xbox започна „големо реструктурирање“ во јули, кое во наредните месеци ќе резултира со околу 3.200 отпуштања. Компанијата ги прекина врските со голем број свои познати студија, меѓу кои Ninja Theory, Double Fine, Undead Labs и Compulsion Games. Во меѓувреме, го стави Obsidian под раководство на Bethesda за да работи на игрите Fallout, а развојот на Halo му го довери на Activision, продуцентот на Call of Duty. Кога станува збор за индустријата на ААА-игри, очекувајте уште помалку оригинални идеи и повеќе продолженија засновани на познати брендови.

GG анкета

вести и новости од

ПРИЈАТЕЛИТЕ на GG.MK

GG LFM

W00t w00t? GG ис лукинг фор мор!​
Стани дел од тимот на GG.MK!

GG ЛОВЦИ НА ТРОФЕИ

покажете го пленот

Претплати се на нашата мејлинг листа

Нема спам, нема замарање!
Само гејминг!