Нинтендо потврдија дека Nintendo Switch 2 ќе има компатибилност со првата Switch конзола, што значи дека играчите ќе можат да ги играат нивните оригинални игри од првата конзола на наследникот.
Во новата информација од претседателот на Нинтендо – Шунтаро Фурукава на X, изјавено беше: „Ова е Фурукава. На денешниот брифинг за корпоративно управување, објавивме дека софтверот на Nintendo Switch ќе биде компатибилен и на наследникот на Nintendo Switch. Nintendo Switch Online ќе биде достапен и на наследникот на Nintendo Switch. Дополнителни информации за наследникот на Nintendo Switch, вклучувајќи ја и неговата компатибилност со Nintendo Switch, ќе бидат објавени подоцна.
Вчера, Nintendo објави дека конзолата Nintendo Switch 2 се уште се планира да биде издадена пред април 2025 година, а аналитичарите предвидуваат дека конзолата може да биде објавена во средината на 2025 година. Сепак, во моментот на пишување, Nintendo само потврди дека Nintendo Switch 2 ќе излезе по април 2025 година.
На почетокот на оваа година, на интернет протекоа прототип дизајни на Nintendo Switch 2, вклучувајќи ги и спецификациите за новата конзола, која ќе има 12GB RAM, поддршка за HDMI 2.1, па дури и 256GB внатрешна меморија. Најновите гласини за системот тврдат дека тој ќе биде компатибилен наназад и ќе поддржува 4K резолуција.
