SMITE 2 е официјално најавена

Девелоперите од Titan Forge Games штотуку ја најавија Smite 2 на Твитер, заедно со официјален трејлер на YouTube. Трејлерот содржи гејмплеј од играта, делови од Алфа верзијата, но ни прикажува колку е искористена технологијата на Unreal Engine.

Ова очекувано продолжение ќе биде објавено на компјутер преку Steam и Epic Games Store, како и PlayStation 5 и Xbox Series X. Развивачите не потврдија кога да ја очекуваме, но објавија дека тестот за затворена алфа верзија доаѓа оваа пролет.

На сајтот на PlayStation има повеќе детали за иднината на Smite 2. PlayStation споменуваат дека ќе имаат „повеќе информации за споделување за Smite 2 во текот на следните месеци“.

Значи, фановите можат да очекуваат редовни ажурирања за Smite 2 прилично наскоро, како што се приближува затворената алфа. На сајтот дополнително е наведено дека се што сте купиле или платиле во Smite ќе се префрли во Smite 2. Тие објаснуваат дека „Legacy Gems може да се користат во Smite 2 за да се плати до 50% од повеќето нови купувања“.

Така, времето и работата што играчите ја вложија во оригиналниот Smite ќе се пренесат малку во продолжението. Ова треба да се покаже корисно, бидејќи Smite 2 сигурно ќе го замени својот претходник ако барем може да функционира правилно. Изненадувачки, оригиналната Smite ќе воведе и „Divine Legacy систем“. Ова ќе им даде на играчите Unreal 5 верзии на класични Smite скинови бесплатно.

МАРКЕТИНГ

Филмската адаптација на „Elden Ring“ во продукција на A24, според извештаите, ќе има буџет од речиси 200 милиони долари, со што ќе стане најскапиот филм досега на продукциската куќа. Премиерата е планирана за 2028 година.

Претходниот најскап филм на A24 беше „Marty Supreme“, чиј буџет изнесувал околу 70 милиони долари. Пред него, рекордот го држеше „Civil War“ со буџет од приближно 50 милиони долари.

Франшизата „Elden Ring“ добива филмска адаптација релативно брзо по своето појавување. Играта излезе во февруари 2022 година, а светот во кој се одвива дејството е создаден со придонес од Џорџ Р. Р. Мартин. Досега се продадени повеќе од 36 милиони копии од играта на Steam, PlayStation и Xbox.

Филмот „Elden Ring“ треба да излезе во 2028 година

Според извештај на The Wall Street Journal, продукцијата на филмот ќе чини околу 200 милиони долари. Извештајот истакнува дека A24 станува сè поважен играч во филмската индустрија, а други студија се обидуваат да го следат нејзиниот пристап.

„Во меѓувреме, големите студија сè повеќе се обидуваат да го копираат моделот на A24. Онлајн-хорор феномени што изгледаат како потенцијални следни „Backrooms“ предизвикаа наддавања вредни милиони долари. Universal поддржува филм со голем буџет од режисерите на „Everything Everywhere“. „Тие се компанија што го наоѓа вистинскиот баланс. Токму вистинскиот број луѓе што прават токму онолку колку што треба“, изјави Џули Хантсингер, директорка на филмскиот фестивал во Телурајд.“

Според The Hollywood Reporter, Алекс Гарланд ќе го напише сценариото и ќе го режира филмот. Тој е познат и како сценарист и режисер на „Civil War“. Во актерската екипа се Кит Конор, Том Бурк, Роуз Лиу и Ник Оферман, меѓу другите. Се очекува главното снимање да трае околу 100 дена.

Филмските адаптации на видеоигри се сè почест тренд, а Ник Оферман се приклучи и на претстојниот четврти филм од серијалот „Sonic the Hedgehog“.

GG анкета

вести и новости од

ПРИЈАТЕЛИТЕ на GG.MK

GG LFM

W00t w00t? GG ис лукинг фор мор!​
Стани дел од тимот на GG.MK!

GG ЛОВЦИ НА ТРОФЕИ

покажете го пленот

Претплати се на нашата мејлинг листа

Нема спам, нема замарање!
Само гејминг!