Ace Combat 7 добива Top Gun: Maverick DLC

Наскоро го добиваме очекуваниот филм Top Gun: Maverick, и се чини дека неговата соработка со игрите нема да биде ограничена само на Microsoft Flight Simulator. Ace Combat 7: Skies Unknown добива свој дел од Top Gun во нивната игра. Bandai Namco ги објави сите Add-ons ширум светот, нема да биде само за Јапонија. Сепак, јапонската страница за филмот вклучи некои дополнителни детали.

Во Јапонија се сподели како DLC со насловот Ace Combat 7: Skies Unknown – Top Gun: Maverick Aircraft Set. Конкретно ги споменуваше авионите F/A-18E Super Hornet и F-14A Tomcat. Во него се споменува и верзијата на Keiki Kobayashi на „Top Gun Anthem“. Тоа е човекот што го правел целиот саунд-трак на Ace Combat 7.

Top Gun: Maverick е продолжение на оригиналниот филм. Tom Cruise и Val Kilmer ќе се вратат во него како Maverick и Iceman. Само не се знае се уште дали Val Kilmer ќе има некоја голема улога. Односно Tom Cruise ќе си биде повторно главен, но гласот на Val Kilmer ќе биде прикажан и претставен со помош на AI технологија. Причина за тоа е што Val Kilmer има рак кој не му овозможува на актерот да звори. Еден предлог и препорака е да го погледнете документарецот за актерот кој го носи името VAL.

Ace Combat 7: Skies Unknown доби многу DLC во минатото. Порано авионите од минатите игри се појавуваа и стигаа како Add-ons. Во играта се појавија и експериментални авиони. Јапонските воздушни сили за самоодбрана се појавија во август 2021 година. Ace Combat 7: Skies Unknown е достапена на PlayStation 4, Xbox One и PC. Играта до сега има продадено три милиони копии. Иако тоа не е некоја масивна бројка (иако е голема) се кажува дека 3 милиони луѓе се фанови на авиони. Top Gun: Maverick ќе се појави во кино салите на 27 мај 2022 година.

МАРКЕТИНГ

Спорели на:

За време на паузите меѓу натпреварите на Светското првенство во League of Legends за 2026 година, Riot Games ги изненади фановите со долгоочекувана најава: пристигнува новата ера на League of Legends.

Претставено преку низа кинематографски видеа и гејмплеј-снимки, „сеопфатното ажурирање од големи размери“ за 17-годишната игра, кое треба да пристигне во 2027 година, го носи името New Dawn. Ако реакциите и овациите во Barclays Center во Бруклин се некаков показател, најпосветените фанови на франшизата со нетрпение ја очекуваат промената.

Riot засега ги остави повеќето детали за ова големо освежување на играта на фантазијата на играчите. Кинематографскиот трејлер за New Dawn прикажа импресивни визуелни прикази на неколку омилени шампиони меѓу фановите, меѓу кои Blitzcrank, Lux, Leona, Sett, Poppy, Volibear, Riven, Jhin и Ahri. Кратките гејмплеј-снимки ги прикажаа и Master Yi и Morgana во акција. Но, што е суштината на ажурирањето? Од студиото велат дека ќе откријат повеќе детали во јануари.

Она што беше потврдено е дека League во 2027 година ќе добие целосно нов клиент за играта. Riot последен пат ја промени неговата архитектура во 2016 година. Видеото најави и освежена верзија на мапата Summoner’s Rift, која е еден од препознатливите елементи на долгогодишната MOBA-игра. Засега, фановите можат само да шпекулираат што навистина значи најавата на Riot за „еволуиран гејмплеј и нови начини за доживување на омилените шампиони“.

Како и да е, Riot очигледно има амбиција да ја прошири играта не само за долгогодишните играчи, туку и да привлече потенцијално нова публика, која можеби го познава League единствено преку Arcane или колекционерската игра со карти Riftbound. На прес-настан пред финалето, извршниот продуцент на League, Пол Белеца, јасно стави до знаење дека Riot ја гледа играта како проект што треба да опстои низ „повеќе генерации“ и дека би сакале таа да трае „100 години“. За да се постигне тоа, потребна е стратегија. Во време кога и други големи франшизи со постојана онлајн-поддршка се обидуваат да привлечат поширока публика и да го обноват интересот за своите игри (како во случајот со World of Warcraft: Forever), сосема е природно Riot да го следи истиот пат со League.

Сепак, компанијата сè уште не е подготвена да ги открие конкретните планови за играта. Наместо тоа, најавата за новата визија за гејмплејот ја искористи и за да потсети дека League останува важен дел од е-спортската сцена. И календарот за следната година ќе претрпи поголеми промени: сезоната во 2027 година ќе започне во Кина со проширен турнир First Stand, по што ќе следува Mid-Season Invitational во Валенсија, Шпанија. Светското првенство во 2027 година ќе се одржи во Јапонија и Јужна Кореја, при што Нагоја ќе биде домаќин на првите натпревари од Светското првенство во Јапонија, пред турнирот да заврши во Сеул. Riot размислува и за замена на традиционалната Play-In фаза на Светското првенство со Demacia Cup, што потенцијално би им отворило врата на повеќе тимови да се натпреваруваат.

GG анкета

вести и новости од

ПРИЈАТЕЛИТЕ на GG.MK

GG LFM

W00t w00t? GG ис лукинг фор мор!​
Стани дел од тимот на GG.MK!

GG ЛОВЦИ НА ТРОФЕИ

покажете го пленот

Претплати се на нашата мејлинг листа

Нема спам, нема замарање!
Само гејминг!