Пред неколку години тоа што почна како убава идеја и пасија кон Друштвени Игри, денес прерасна во сериозно студио кое што може да се пофали со голем број на наслови што реално ни на светско ниво не можеме да го видиме! Легендаите од Archona Games официјално ја пуштија нивната следна друштвена игра на Kickstarter – Philharmonix.
Арконците ја извадија нивната прва игра Small Star Empires во далечната 2016 која што имаше мега-гига успешна Kickstarter кампања. И нормално како една од најуспешните Друштвени игри, дечките не сакаа да запрат токму таму! Арконците некако го фатија трендот на “секое летенце, ново детенце”. Со тој тренд Арконците до сега ги имаат издадено игрите – Small Star Empires, Galactic Warlords, Small Samurai Empires, Small Railroad Empires, Magna Roma, Pest, Light in the Dark, и сега по ново и Philharmonix.
Друштвената Игра Philharmonix иако на Kickstarter беше пуштена пред само неколку дена, целта на собирање на сумата беше собрана буквално за помалку од 24 часа од неколку стотици Бекери! Кампањата ќе трае цел месец, и до завршувањето се очекува сумата да е многу драстична што премногу ќе им помогне на студиото да можат да направат огромен број на копии кои што ќе можат да ги продаваат на повеќе локации, не само на луѓето кои што се бекери на Друштвената Игра!
Знаеме дека Милан Тасевски и тимот од Archona Games веќе долго време сакаа да направат игра поврзана со музичка тематика и официјално дојдовме до степен кога играта е во финалните фази и ќе ја видиме и играме за многу брзо време!
За сите информации околу Philharmonix и нормално доколку сакате да бидете Бекер на проекот можете да го погледнете —> ТУКА
