Голем турнир во Друштвената Игра “Dune: Imperium”

Загрејте ги вашите империи за да ја освоите Дина

Дами и Господа… Драги играчи на друштевени игри и пошироко! Со задоволство сакаме да го најавиме еден од најголемите турнири за друштвената игра „Dune Imperium” кој ќе се одржи на 3ти јуни (сабота) со почеток од 10 часот. Култното место на сите Бордгејмери е “Борд Гејм Кафе САМО” во Скопје и нормално тоа е правото место каде што треба да се одржи турнир од вакви рамки!

Играта е инспирирана од славниот научно-фантастичен роман на американскиот писател Френк Херберт и приказната датира од далечната 1965 година. Прикзаната има доста голем број на продолженија, како и неколку филмови како што се култниот Dune од 1984 година, и моментално популарниот Dune од 2021 година кој што наскоро го добива својот втор дел.

Организатори на турнирот се: Иво Бару, Никола Докоски, Владимир Настовски и Љупчо Нечовски. Сите се дел од неформалната Фејсбук група ‘Board Games MKD’ во која членуваат луѓето кои што навистина го сакаат тоа што го прават и се задоволни од колку се гради заедницата секојдневно. Дополнително ова е прв пат да се организира турнир за оваа игра во Македонија што го прави сериозно достигнување.

Пријавени се дваесет учесници кои по пат на бодување и елиминации во текот на денот ќе го одлучат победникот. Покрај парични награди, најдобрите играчи ќе добијат и игри од Гоблин Гејмс, и нормално од најдобрата Македонска издавачка куќа Final Frontier Games игри!

Директен пренос од финалето ќе може да се гледа на спомнатата ФБ група, но и нормално на Twitch и YouTube каналите на GG.MK кои што се подржувачи на целиот турнир. Ќе има пренос само од финалето кое би започнало околу 19h, но можно е да има и неколку преноси од другите партии.

Кој ќе завладее со Аракис?! Борбата за планетата на пустините започнува! дваесетте борци, претставници на различните династии и слободни племиња, ќе ги соочат своите вештини. Дали ќе победи некој од борците на куќата Атреидес или Харконен? Претставник на Фремените можеби? Или можеби случаен патник низ пустината… Сите заинтересирани се добредојдени да присуствуваат и да навиваат за својот фаворит!

МАРКЕТИНГ

Доделувањето на наградите The Game Awards за 2026 година се приближува, а номинациите за овогодинешното издание ќе бидат објавени во вторник, на 17 ноември. Ова го потврди водителот и креатор на манифестацијата, Џеф Кили, кој во петокот најави дека номинираните ќе бидат откриени преку пренос во живо. Интересно е што објавата ќе се случи само два дена пред излегувањето на една од најочекуваните игри годинава, Grand Theft Auto 6.

Фановите ќе можат да го следат специјалниот пренос за номинациите на The Game Awards во вторник преку YouTube и Twitch. Водителот и извршен продуцент Џеф Кили ќе ги објави игрите, студијата и луѓето номинирани за овогодинешните награди, меѓу кои и оние за Игра на годината.

Кога ќе се одржи специјалниот пренос за номинациите на The Game Awards 2026?

Специјалниот пренос за номинациите на The Game Awards 2026 ќе се одржи во вторник, 17 ноември, со почеток во 9 часот наутро според пацифичкото време (PST), односно во 12 часот напладне според источноамериканското време (EST). Во изминатите години, Кили се погрижи овој специјален пренос да биде прилично ефикасен, па настанот обично трае околу 10 минути. Номинациите за Игра на годината традиционално се објавуваат на самиот крај.

Гласањето за наградите во кои одлучуваат фановите ќе започне веднаш по завршувањето на специјалниот пренос за номинациите на The Game Awards 2026.

Дали GTA 6 може да биде номинирана за The Game Awards 2026?

Да. Според официјалната веб-страница на The Game Awards, игрите што ги исполнуваат условите за овогодинешните главни награди „мора да бидат комерцијално достапни за купувачите најдоцна до петок, 20 ноември 2026 година, во 21 часот според пацифичкото време (PT)“. Grand Theft Auto 6 ќе го исполни овој услов, бидејќи официјалното излегување на играта е закажано за 19 ноември на PlayStation 5 и Xbox Series X.

Кога станува збор за категоријата Players’ Voice на The Game Awards, организаторите наведуваат дека игрите мора да бидат објавени најдоцна до 30 ноември 2026 година. Тоа значи дека доколку планирате да гласате за GTA 6, ќе имате доволно време да ја играте и да формирате мислење пред да го дадете својот глас.

Кога ќе се одржи The Game Awards 2026?

The Game Awards 2026 ќе се одржи во четврток, на 10 декември. Главната церемонија ќе започне во 16:30 часот според пацифичкото време (PST), односно во 19:30 часот според источноамериканското време (EST), вклучувајќи го и традиционалниот 30-минутен воведен дел пред главниот настан.

Овогодинешното издание на The Game Awards ќе се емитува на повеќе платформи од кога било досега. На долгата листа платформи на кои ќе може да се следи преносот ќе се приклучат Disney Plus, Live TV на PS5 и Roblox. Настанот ќе биде достапен и на YouTube, Twitch, Steam, TikTok Live, X, Kick, Facebook и Instagram Live.

Во Кина, церемонијата ќе се емитува на повеќе од 20 платформи, меѓу кои Baidu, Bilibili, Douyin, DouYu, Huya, WeChat, Weibo и Xiaohongshu. Дополнителни партнери се CHZZK и SOOP во Јужна Кореја, NicoNico во Јапонија, Vidio во Индонезија, Now TV во Хонгконг, mewatch во Сингапур, како и BIGO LIVE и Likee низ Југоисточна Азија.

GG анкета

вести и новости од

ПРИЈАТЕЛИТЕ на GG.MK

GG LFM

W00t w00t? GG ис лукинг фор мор!​
Стани дел од тимот на GG.MK!

GG ЛОВЦИ НА ТРОФЕИ

покажете го пленот

Претплати се на нашата мејлинг листа

Нема спам, нема замарање!
Само гејминг!