Голем турнир во Друштвената Игра “Dune: Imperium”

Загрејте ги вашите империи за да ја освоите Дина

Дами и Господа… Драги играчи на друштевени игри и пошироко! Со задоволство сакаме да го најавиме еден од најголемите турнири за друштвената игра „Dune Imperium” кој ќе се одржи на 3ти јуни (сабота) со почеток од 10 часот. Култното место на сите Бордгејмери е “Борд Гејм Кафе САМО” во Скопје и нормално тоа е правото место каде што треба да се одржи турнир од вакви рамки!

Играта е инспирирана од славниот научно-фантастичен роман на американскиот писател Френк Херберт и приказната датира од далечната 1965 година. Прикзаната има доста голем број на продолженија, како и неколку филмови како што се култниот Dune од 1984 година, и моментално популарниот Dune од 2021 година кој што наскоро го добива својот втор дел.

Организатори на турнирот се: Иво Бару, Никола Докоски, Владимир Настовски и Љупчо Нечовски. Сите се дел од неформалната Фејсбук група ‘Board Games MKD’ во која членуваат луѓето кои што навистина го сакаат тоа што го прават и се задоволни од колку се гради заедницата секојдневно. Дополнително ова е прв пат да се организира турнир за оваа игра во Македонија што го прави сериозно достигнување.

Пријавени се дваесет учесници кои по пат на бодување и елиминации во текот на денот ќе го одлучат победникот. Покрај парични награди, најдобрите играчи ќе добијат и игри од Гоблин Гејмс, и нормално од најдобрата Македонска издавачка куќа Final Frontier Games игри!

Директен пренос од финалето ќе може да се гледа на спомнатата ФБ група, но и нормално на Twitch и YouTube каналите на GG.MK кои што се подржувачи на целиот турнир. Ќе има пренос само од финалето кое би започнало околу 19h, но можно е да има и неколку преноси од другите партии.

Кој ќе завладее со Аракис?! Борбата за планетата на пустините започнува! дваесетте борци, претставници на различните династии и слободни племиња, ќе ги соочат своите вештини. Дали ќе победи некој од борците на куќата Атреидес или Харконен? Претставник на Фремените можеби? Или можеби случаен патник низ пустината… Сите заинтересирани се добредојдени да присуствуваат и да навиваат за својот фаворит!

МАРКЕТИНГ

The Legend of Zelda: Ocarina of Time е најбрзопродаваната игра за Switch 2 досега. Во средата, „Нинтендо“ објави дека римејкот на класиката од 1998 година се продал во повеќе од 5,2 милиони примероци ширум светот во првите четири дена од продажбата – „најголемата глобална продажба во првите четири дена за која било игра за Nintendo Switch 2 издадена од „Нинтендо“.

Ова исто така значи дека Ocarina of Time веројатно веќе е втората најпродавана игра за Switch 2 воопшто. Mario Kart World е продадена во повеќе од 16 милиони примероци, но според најновите финансиски податоци на „Нинтендо“, нејзиниот втор најпродаван наслов до крајот на септември беше Donkey Kong Bananza, со 5,05 милиони продадени примероци.

„Нинтендо“ објавува податоци за продажбата само за сопствените наслови; можно е игра од независен издавач да има продадено повеќе примероци од Ocarina и Bananza, иако е тешко да се замисли која би можела да биде тоа.

Сепак, Ocarina of Time засега е само вториот најголем хит на „Нинтендо“ во 2026 година. Tomodachi Life, за оригиналниот Switch, засега останува на првото место со неверојатни 8,8 милиони продадени примероци. И покрај тоа, Ocarina веројатно ќе ја надмине пред крајот на годината.

По донекаде контроверзното претставување, поради нејзиниот радикално поинаков уметнички стил, Ocarina of Time наиде на широко распространети позитивни критики и изгледа како сериозен кандидат за награди.

GG анкета

вести и новости од

ПРИЈАТЕЛИТЕ на GG.MK

GG LFM

W00t w00t? GG ис лукинг фор мор!​
Стани дел од тимот на GG.MK!

GG ЛОВЦИ НА ТРОФЕИ

покажете го пленот

Претплати се на нашата мејлинг листа

Нема спам, нема замарање!
Само гејминг!