Иако Ghost of Yōtei беше хит, во студиото веќе има големи отпуштања

Ghost of Yotei

Студиото Sucker Punch Productions, креатори на Ghost of Yōtei и Ghost of Tsushima, се соочува со нов бран отпуштања. Според извештај на Aftermath, 24 вработени го загубиле работното место. Студиото имало околу 200 вработени, иако тој број можеби е поблиску до 230. Тоа значи дека се отпуштени приближно 10 до 12 отсто од вработените.

Aftermath имал увид во мејл што раководството на студиото им ја испратило на вработените во врска со отпуштањата. „По внимателно следење на предизвиците на пазарот и разгледување на потребите на тимот за нашиот следен проект, одлучивме да го намалиме бројот на вработени“, соопштило студиото на PlayStation.

„Знаеме дека ова е тешко да се прифати и сакаме да ве увериме дека одлуката не ја донесовме лесно. Внимателно ја разгледавме ситуацијата и се потрудивме што е можно повеќе да им помогнеме на колегите погодени од оваа промена. Нема сомнеж дека ова е тежок ден. Следната недела ќе разговараме подетално за иднината“, се наведува во пораката.

Ghost of Yōtei беше објавена минатата есен и наиде на одличен прием кај критичарите и играчите. Играта има оценка од 86 на Metascore на Metacritic и беше меѓу кандидатите за наградите на повеќе церемонии во 2025 година. На февруарските DICE Awards освои три награди: за најдобра авантуристичка игра на годината, извонредно достигнување во дизајнот на ликови и извонредно достигнување во оригиналната музичка композиција.

Успехот се одрази и врз продажбата. Според процените, до октомври 2026 година играта била продадена во 5,4 милиони примероци и остварила нешто повеќе од 400 милиони долари приход. Во јуни 2026 година, Alinea Analytics објави дека Ghost of Yōtei била најпродаваната игра на Sony од сопствените студија или од студија во нејзина сопственост во текот на годината дотогаш. Во тој период биле продадени 1,1 милион примероци, со приход од 77,6 милиони долари.

Засега не е познато на кој проект се однесува споменувањето на „следниот проект“ на Sucker Punch. Од 2020 година наваму, студиото објавуваше исклучиво игри од серијалот Ghost, како и нивните мултиплеер-режими. Претходно, Sucker Punch работеше на серијалите Sly Cooper и Infamous.

МАРКЕТИНГ

Спорели на:

Љубителите на Grand Theft Auto, гејмерите и креаторите на дигитална содржина ќе имаат можност да бидат дел од еден специјален настан посветен на долгоочекуваната GTA 6. На 19 ноември, во Скопје ќе се одржи GTA 6 Launch Event, кој истовремено ќе се организира на двете локации на Inferno Gaming Club – Inferno 1 во Тафталиџе и Inferno 2 во Кисела Вода.

Настанот ќе започне во 11:00 часот, а посетителите ќе можат да очекуваат целодневна дружба, гејминг, музика и атмосфера инспирирана од легендарниот Vice City. Организаторите најавуваат тематска музика во текот на целиот ден, со звук и енергија што ќе потсетуваат на препознатливиот свет на Grand Theft Auto, претворајќи ги гејминг-клубовите во места за вистинско GTA доживување.

Централниот дел од настанот ќе биде можноста посетителите да ја испробаат GTA 6 и одблизу да се запознаат со играта. Сите заинтересирани ќе можат да добијат свој термин за играње и да го искусат старо-новиот свет на Rockstar Games, но настанот нема да биде наменет исклучиво за оние што сакаат да седнат пред конзолата.

Идејата е да се создаде простор за собирање на домашната гејминг-заедница, размена на искуства, запознавање нови луѓе и поврзување на креаторите на дигитална содржина. Настанот ќе биде можност за дружба меѓу гејмери, стримери, јутјубери, инфлуенсери и сите оние што ја следат гејминг-културата, со можност за нови соработки и запознавања.

Посетителите ќе можат да разговараат за играта, да ги споделат своите први впечатоци, да разменат мислења за новините во GTA 6 и едноставно да поминат ден во друштво на луѓе со слични интереси. Со музика, тематска атмосфера и активности во текот на денот, организаторите сакаат настанот да прерасне во вистинско собирање на гејминг-заедницата, а не само во можност за тестирање на нова игра.

БЕСПЛАТНО ИГРАЊЕ, НО СО ЗАДОЛЖИТЕЛНО АПЛИЦИРАЊЕ ЗА ИГРАЊЕ

Една од најважните информации за сите заинтересирани е дека учеството и можноста за играње на GTA 6 се целосно бесплатни. Посетителите нема да треба да плаќаат за да ја испробаат играта, а можноста ќе биде достапна во текот на целиот настан.

Сепак, поради организацијата и распоредот на термините за играње, сите што сакаат да ја испробаат GTA 6 ќе треба однапред да аплицираат преку официјалниот формулар.

По апликацијата ќе се врши јавно влечење за сите луѓе што ќе се пријават за термин за играње, со што ќе се овозможи подобра организација и ќе се избегне непотребно чекање.

КОГА, КАДЕ И ЗОШТО?

GTA 6 Launch Event ќе се одржува на 19 ноември, со почеток во 11:00 часот, истовремено во Inferno 1 во Тафталиџе и Inferno 2 во Кисела Вода.

За сите љубители на Grand Theft Auto, ова ќе биде можност да го дочекаат новото поглавје на франшизата во друштво на домашната гејминг-заедница, со целодневна Vice City атмосфера, музика, дружење и, секако, можност први да ги споделат своите впечатоци од GTA 6.

GG анкета

вести и новости од

ПРИЈАТЕЛИТЕ на GG.MK

GG LFM

W00t w00t? GG ис лукинг фор мор!​
Стани дел од тимот на GG.MK!

GG ЛОВЦИ НА ТРОФЕИ

покажете го пленот

Претплати се на нашата мејлинг листа

Нема спам, нема замарање!
Само гејминг!