Групацијата Magic Media го купија Македонското студио Interactive Creation

Официјално денес е склучен договор помеѓу Групацијата Magic Media за аквизација на Македонското студио Interactive Creation. Со седиште во Скопје, Македонија, Interactive Creation е лидер во индустријата за забава, особено во областите на 3D, анимација и VFX. Студиото произведува неверојатна содржина во индустријата за игри и работеле на значајни проекти како што се Fall Guys, Weird West и Shadow Warrior.

Оваа најнова аквизиција го зголемува каталогот на други брендови во групацијата на Magic Media, вклучувајќи ги Starloop Studios, Ringtail Studios, Igloo Creative House и Igloo Gaming, кои доаѓаат како дел во Magic Media VFX & Cinematics и Magic Media Mobile Studio

Ко-основачот и извршниот директор на Interactive Creation го изјави следново:

Честа е голема да се приклучиме на групацијата Magic Media, и тоа е доказ за тешката работа и посветеност од целиот тим на Interactive Creation. Ова е одлична пресвртница и мајлстон за компанијата, и ние очекуваме огромни работи во Magic Media

Иван Даутовски, ко-основач и извршен директор на Interactive Creation

Александар Ѓокиќ, шеф на продукција во Magic Media надополна со:

Му посакуваме добредојде на целиот тим од Interactive Creation и сме возбудени за иднината што претстои. Во Magic Media, со нетрпение очекуваме да работиме со нив и да им донесеме уште поголема вредност на нашите клиенти со нашиот проширен опсег на вештини и експертиза

Aleksander Djokic, Head of Production во Magic Media

За Magic Media

Magic Media е меѓународна технолошка групација која станува светски водечки снабдувач на услуги за игри, технологија и разни делови од забавната индустрија. Тие се дом на експанзивна група на водечки експерти во индустријата низ областите, вклучувајќи VFX, уметност, Дизајн на Трејлери и анимација. Тие имаат различни тимови, броејќи над 1000 вработени, во 15 земји на четири континенти. Некои проекти на кои што имаат работено вклучуваат Cyberpunk 2077: Phantom Liberty, Blankos Block Party и Remnant 2, меѓу другите. Дознајте повеќе за Magic Media: Video Games & Entertainment Studio | Magic Media

МАРКЕТИНГ

Љубителите на Grand Theft Auto, гејмерите и креаторите на дигитална содржина ќе имаат можност да бидат дел од еден специјален настан посветен на долгоочекуваната GTA 6. На 19 ноември, во Скопје ќе се одржи GTA 6 Launch Event, кој истовремено ќе се организира на двете локации на Inferno Gaming Club – Inferno 1 во Тафталиџе и Inferno 2 во Кисела Вода.

Настанот ќе започне во 11:00 часот, а посетителите ќе можат да очекуваат целодневна дружба, гејминг, музика и атмосфера инспирирана од легендарниот Vice City. Организаторите најавуваат тематска музика во текот на целиот ден, со звук и енергија што ќе потсетуваат на препознатливиот свет на Grand Theft Auto, претворајќи ги гејминг-клубовите во места за вистинско GTA доживување.

Централниот дел од настанот ќе биде можноста посетителите да ја испробаат GTA 6 и одблизу да се запознаат со играта. Сите заинтересирани ќе можат да добијат свој термин за играње и да го искусат старо-новиот свет на Rockstar Games, но настанот нема да биде наменет исклучиво за оние што сакаат да седнат пред конзолата.

Идејата е да се создаде простор за собирање на домашната гејминг-заедница, размена на искуства, запознавање нови луѓе и поврзување на креаторите на дигитална содржина. Настанот ќе биде можност за дружба меѓу гејмери, стримери, јутјубери, инфлуенсери и сите оние што ја следат гејминг-културата, со можност за нови соработки и запознавања.

Посетителите ќе можат да разговараат за играта, да ги споделат своите први впечатоци, да разменат мислења за новините во GTA 6 и едноставно да поминат ден во друштво на луѓе со слични интереси. Со музика, тематска атмосфера и активности во текот на денот, организаторите сакаат настанот да прерасне во вистинско собирање на гејминг-заедницата, а не само во можност за тестирање на нова игра.

БЕСПЛАТНО ИГРАЊЕ, НО СО ЗАДОЛЖИТЕЛНО АПЛИЦИРАЊЕ ЗА ИГРАЊЕ

Една од најважните информации за сите заинтересирани е дека учеството и можноста за играње на GTA 6 се целосно бесплатни. Посетителите нема да треба да плаќаат за да ја испробаат играта, а можноста ќе биде достапна во текот на целиот настан.

Сепак, поради организацијата и распоредот на термините за играње, сите што сакаат да ја испробаат GTA 6 ќе треба однапред да аплицираат преку официјалниот формулар.

По апликацијата ќе се врши јавно влечење за сите луѓе што ќе се пријават за термин за играње, со што ќе се овозможи подобра организација и ќе се избегне непотребно чекање.

КОГА, КАДЕ И ЗОШТО?

GTA 6 Launch Event ќе се одржува на 19 ноември, со почеток во 11:00 часот, истовремено во Inferno 1 во Тафталиџе и Inferno 2 во Кисела Вода.

За сите љубители на Grand Theft Auto, ова ќе биде можност да го дочекаат новото поглавје на франшизата во друштво на домашната гејминг-заедница, со целодневна Vice City атмосфера, музика, дружење и, секако, можност први да ги споделат своите впечатоци од GTA 6.

GG анкета

вести и новости од

ПРИЈАТЕЛИТЕ на GG.MK

GG LFM

W00t w00t? GG ис лукинг фор мор!​
Стани дел од тимот на GG.MK!

GG ЛОВЦИ НА ТРОФЕИ

покажете го пленот

Претплати се на нашата мејлинг листа

Нема спам, нема замарање!
Само гејминг!