Marvel Tokon: Fighting Souls – Рецензија

Marvel Tokon: Fighting Souls

Marvel Tokon: Fighting Souls е една од ретките тепачини кои колку и да имаш „стаж“ во тој жанр, пола и повеќе од работите што ги овозможува и нуди играта нема да ги сфатиш во првите 20 саати вежбање. За првпат во историјата се прави 4 против 4 со унифициран систем на енергија.

Арк Систем Воркс, поддржани од MARVEL и Sony ја пуштија Marvel Tokon: Fighting Souls на 6ти август на PlayStation и ПЦ… и покрај тоа што на хартија изгледаше како да е Дрим Тим 1992 со тоа кој ја прави играта, како се игра играта, како изгледа играта, и масивниот фолоуинг на самата Марвел франшиза… Играта имаше еден од најлошите ланчови во историјата на тепачките игри.

Најпрво ќе почнеме со негативните работи кои ја заобиколија Токон, бидејќи се кратки, брзо ќе ги поминеме.

ПЦ портот за играта е КА-ТАС-ТРО-ФА. И покрај тоа што луѓе го поседуваат хардверот за препорачаните или минималните очекувања дадени од девелоперите, играчите сепак осетија дека негде има пропуст во тоа што е пишано со тоа што е моментално на излог.

Кратката бета пред ланчот на играта не помогна ни малце АркСис да успеат да ја донашмникаат играта за време на ден 1. Откако се пушти играта, Токон не успеа ни да си го победи рекордот од играчи што го имаше за време на бетата. На 10ти август беше пуштен пач што драстично ги подобри перформансите на ПЦ портот, но не верувам дека премногу ќе помогне Токон да се издигне од длабокото.

Специфично врз ова, влага и моментот дека играта не е достапна за македонски пазар, бидејќи Сони не ја има Македонија на листата земји каде што има PSN услуги.

Сега малце да се орасположиме. Добрите ствари е тоа што, и покрај тоа што е Сони Студиос игра, чини само 60 евра, наместо новата сочна сума што сите ААА студија сакаат да ја ставаат на своите игри од 70/80 евра. Искрено, јас го гледам гледам ова како победа во оваа доба на видео игри.

Откако ќе ја упалите Токон и ќе стигнете до менито, ќе видите дека се е читко и јасно. Нема губење и мозгање, кај да стиснеш, што да стиснеш итн итн. Добро мени од јапански девелопери е ретка ствар и мораме да го испоштуваме тоа. Менито е лесно за навигација и снаоѓање. Браво АркСис.

Самата игра ви нуди неколку форми на соло игра. Прво се Епизодите од тимовите. Моментално има 5 тима. Avengers, Knights of Doom, Xmen, Guardians, Samurai Outlaws.

Епизодите се направени како анимирани стрипови и ЦЕЛОСНО СИНХРОНИЗИРАНИ. Почнувате со вашиот лидер на тимот, и понатака го склопувате тимот, се тепате против другите тимови, и на крај против THE CHAMPION кој е тука да ви ја земе планетата ако не се покажете како треба.

Ќе забележите многу познати гласови. Сони и Марвел ги фрлиле СИТЕ ПАРИ за да ги донесат најпознатите гласови за овие карактери. Нолан Норт (Дедпул), Фред Таташиоре (Хулк), Џош Китон (Спајди и Тони Старк), Стив Блум (Волверин и Грин Гоблин), Ерика Латрел (Црниот Пантер).

За фановите на аниме – гласовите од Дио, Сатору Гоџо, Спај Сигел, Џираија, Сукуна, и многу други познати јапонски актери можете да ги чуете доколку одберете јапонска синхронизација.

Една епизода (доколку не ја брзате) трае околу 2 саати, што значи имате 10 саати од самиот старт да ја изиграте приказната од 5 различни перспективи. Завршување на епизодите ви отклучува нови бои за карактерите кои се дел од тимот игран во епизодата.

Потоа има Survival mode кој може да го терате до 100 мечеви кои ви отклучува уште бои за карактерите. Кога ќе кажам бои, не се САМО бои, туку солиден ре-скин на карактерот.

Повеќе епизоди ќе бидат ставени во иднина како се додаваат нови карактери. Најновиот карактер е Феникс Форс Сајклопс, а чекаме уште 4ца да бидат најавени до крај на годинава.

Да се фокусираме малце на гејмплејот. Тука јас лично мислам дека Токон потфрлила. Движењето низ стазата се осеќа… како низ вода. АркСис се познати по брзите 2Д игри полни со адреналин како Guilty Gear, BlazBlue, DragonBall FighterZ, и до некаде ја очекував таа брзина на движење, но сепак одлучиле многу да ја натапкаат играта за да не шекнат новите гледачи кога ќе ја гледаат.

Сепак малце има причина бидејќи кога ќе искочат 8 карактери на екран (иако тоа многу ретко се случува) ќе настане масивен хаос.

Комбата во играта исто така се сведува на гатлинг систем од 4 удари. Тоа значи во едно комбо може да поврзете само 4 удари по растечки приоритет (Light, Medium, Heavy). Тука значи мора да бидете претпазливи кои удари ги користите за да може да продолжите понатаму со асистенција или со специјален потег.

Секако ова не би било АркСис игра ако ауто-комбото не би било тука. Доколку сте доволно блиску да го удрите противникот со било кое копче и продолжите да го стискате истото копче, вашиот карактер ќе продолжи да прави комбо сам.

Light ауто комбото ќе заврши со тоа што ќе ги искористите сите асистенции ИЛИ доколку сте на раб на изгуба и имате цел бар за пуштање супер потези, тогаш ќе искочи Assemble што ги става сите 4 карактери во супер анимација и прави голема штета. Medium ауто комбото завршува со најслабиот супер на вашиот лидер, а Heavy ауто комбото завршува во најјакиот супер на истиот карактер.

Тренингот е еден од најчудните пристапи што сум ги видел во тепачини. Прво ти ги покажува јаките потези или удари што карактерот што го имате одберено ги има. Тоа значи овие ви се како оче наш додека сте во меч.

После тоа ви покажува неколку кратки комбоа за тоа што може да направи вашиот карактер… и на крај ве остава сам и ви вика „Направи 50% штета“ или „Започни со ова копче и направи 35% штета“ и ве остава сами со себе да се снајдете како да го поминете тоа.

Искрено за ова сум ни ваму ни таму, бидејќи од една страна не ме држи за рака и ми помага да ја разберам играта и да го развијам знаењето, ама пак од друга страна ништо претходно ми нема покажано што би ми ги отворило хоризонтите за да можам да го направам тоа што се бара од вежбата. Тоа оставам на вас.

Искрено не би ја препорачал играва на некој нов играч што сака да влезе во водите на тепачките. Сони уште еднаш се покажаа дека не се во допир со публиката со тоа што блокираа ваква масивна франшиза во 132 земји, и пуштање на играта со уништен ПЦ порт. Но сепак тоа не значи дека АркСис не знаеле што прават со играва. Верувам дека Марвел Токон ќе биде постојано во топ 3 најпријавени игри следниве 2 години на сите големи турнири. А верувајте… конкуренцијата е огромна!

Графика: 7/10
Гејмплеј: 8/10
Офлајн: 8/10
Онлајн: 9/10
Карактери: 9/10

Краен резултат: 8.2/10

МАРКЕТИНГ

За време на паузите меѓу натпреварите на Светското првенство во League of Legends за 2026 година, Riot Games ги изненади фановите со долгоочекувана најава: пристигнува новата ера на League of Legends.

Претставено преку низа кинематографски видеа и гејмплеј-снимки, „сеопфатното ажурирање од големи размери“ за 17-годишната игра, кое треба да пристигне во 2027 година, го носи името New Dawn. Ако реакциите и овациите во Barclays Center во Бруклин се некаков показател, најпосветените фанови на франшизата со нетрпение ја очекуваат промената.

Riot засега ги остави повеќето детали за ова големо освежување на играта на фантазијата на играчите. Кинематографскиот трејлер за New Dawn прикажа импресивни визуелни прикази на неколку омилени шампиони меѓу фановите, меѓу кои Blitzcrank, Lux, Leona, Sett, Poppy, Volibear, Riven, Jhin и Ahri. Кратките гејмплеј-снимки ги прикажаа и Master Yi и Morgana во акција. Но, што е суштината на ажурирањето? Од студиото велат дека ќе откријат повеќе детали во јануари.

Она што беше потврдено е дека League во 2027 година ќе добие целосно нов клиент за играта. Riot последен пат ја промени неговата архитектура во 2016 година. Видеото најави и освежена верзија на мапата Summoner’s Rift, која е еден од препознатливите елементи на долгогодишната MOBA-игра. Засега, фановите можат само да шпекулираат што навистина значи најавата на Riot за „еволуиран гејмплеј и нови начини за доживување на омилените шампиони“.

Како и да е, Riot очигледно има амбиција да ја прошири играта не само за долгогодишните играчи, туку и да привлече потенцијално нова публика, која можеби го познава League единствено преку Arcane или колекционерската игра со карти Riftbound. На прес-настан пред финалето, извршниот продуцент на League, Пол Белеца, јасно стави до знаење дека Riot ја гледа играта како проект што треба да опстои низ „повеќе генерации“ и дека би сакале таа да трае „100 години“. За да се постигне тоа, потребна е стратегија. Во време кога и други големи франшизи со постојана онлајн-поддршка се обидуваат да привлечат поширока публика и да го обноват интересот за своите игри (како во случајот со World of Warcraft: Forever), сосема е природно Riot да го следи истиот пат со League.

Сепак, компанијата сè уште не е подготвена да ги открие конкретните планови за играта. Наместо тоа, најавата за новата визија за гејмплејот ја искористи и за да потсети дека League останува важен дел од е-спортската сцена. И календарот за следната година ќе претрпи поголеми промени: сезоната во 2027 година ќе започне во Кина со проширен турнир First Stand, по што ќе следува Mid-Season Invitational во Валенсија, Шпанија. Светското првенство во 2027 година ќе се одржи во Јапонија и Јужна Кореја, при што Нагоја ќе биде домаќин на првите натпревари од Светското првенство во Јапонија, пред турнирот да заврши во Сеул. Riot размислува и за замена на традиционалната Play-In фаза на Светското првенство со Demacia Cup, што потенцијално би им отворило врата на повеќе тимови да се натпреваруваат.

GG анкета

вести и новости од

ПРИЈАТЕЛИТЕ на GG.MK

GG LFM

W00t w00t? GG ис лукинг фор мор!​
Стани дел од тимот на GG.MK!

GG ЛОВЦИ НА ТРОФЕИ

покажете го пленот

Претплати се на нашата мејлинг листа

Нема спам, нема замарање!
Само гејминг!