Во изработка е нова TopSpin 2K25 од 2K Games

Тениската серија на 2K се враќа по повеќе од една деценија мирување со TopSpin 2K25, објави денеска компанијата. Тоа го направи со брз тизер трејлер кој открива дека „доаѓа наскоро“. Нејзиното објавување се совпаѓа со првиот Грен слем тениски турнир во 2024 година, Австралија опен, кој започна во сабота, 13 јануари.

Денес, 2K го откри враќањето на TopSpin со тизер трејлерот за TopSpin 2K25, следната спортска игра која мора да се игра од 2K која целосно ги потопува обожавателите во светот на тенисот. Исто така, се забележуваат повеќе информации за играта кои што ќе дојдат многу наскоро

Официјална изјава за Медиумите

Првиот тизер трејлер за TopSpin 2K25

2K не откри датум на издавање или период на издавање, но со оглед на тоа што „25“ е во насловот, најверојатно ќе биде објавена оваа или следната година. Последната игра TopSpin беше објавена во 2011 година со Top Spin 4 за време на генерацијата Xbox 360/PlayStation 3.

МАРКЕТИНГ

Спорели на:

Xbox сака повеќе содржини од Fallout, а по повеќегодишниот недостиг од нови игри, Bethesda Softworks планира да го исполни тоа барање. Bethesda планира да објави ремастерирани верзии на Fallout 3 и Fallout: New Vegas за современите платформи, соопшти компанијата во јули, како дел од големата најава за идните планови на студиото. Ремастерите се дел од поширок план за повторно инвестирање во игрите од серијалот Fallout — меѓу кои е и Fallout 5, кој моментално е во претпродукција — како и нов, сè уште неименуван проект на Obsidian Entertainment.

„Во моментов активно работиме на повеќе проекти од Fallout“, соопшти Bethesda во официјално соопштение ова лето. Меѓу нив е и Fallout 5, опишан како „долгорочна цел“ на студиото, како и „голема експанзија за Fallout 76“, планирана за 2027 година под името Raven Rock, која ќе претставува приказна што хронолошки му претходи на Fallout 3.

Bethesda потврди и две долгогодишни шпекулации, најавувајќи ремастери за Fallout 3 и Fallout: New Vegas. Студиото не објави дополнителни детали ниту период кога би требало да излезат игрите, но, според извештаите, на проектите се работи веќе многу години. Информациите за постоењето на ремастер на Fallout 3 датираат најмалку од 2020 година, кога проектот беше откриен преку судски документи поврзани со постапката на Федералната трговска комисија на САД (FTC) во врска со преземањето на Activision Blizzard од страна на Microsoft.

Класичните игри од Fallout се враќаат

Ремастерите на Fallout 3 и Fallout: New Vegas доаѓаат по минатогодишното објавување на The Elder Scrolls 4: Oblivion Remastered, игра развиена заеднички од Virtuos и Bethesda Game Studios. Bethesda во 2025 година одбележа и 10 години од излегувањето на Fallout 4, со објавувањето на Fallout 4: Anniversary Edition. Новото издание ја вклучуваше оригиналната игра, сите шест претходно објавени додатоци со дополнителна содржина (DLC), како и повеќе од 150 предмети преземени од Creation Club за Fallout 4.

Fallout 3 првично беше објавена во 2008 година за PlayStation 3, Windows PC и Xbox 360. Играта е третото главно продолжение во серијалот Fallout и првата што ја разви Bethesda, откако ги купи правата за франшизата од Interplay Entertainment. Дејството во Fallout 3 се одвива во Вашингтон и неговата околина, 200 години по разорната нуклеарна војна, а играчите ја преземаат улогата на 19-годишен жител на трезор, кој го бара својот исчезнат татко.

Fallout: New Vegas следеше во 2010 година, а ја разви Obsidian Entertainment. Дејството е сместено во пустината Мохаве, а играчите ја преземаат улогата на курир кој се вмешува во конфликт меѓу различни фракции што се борат за контрола врз регионот.

Покрај новите игри од Fallout, во тек е подготовката на третата сезона од телевизиската серија Fallout, чие снимање неодамна заврши. Bethesda Game Studios истовремено интензивно работи и на следната игра од својата фантастична RPG-серија: The Elder Scrolls 6: Sentinel е веќе во развој.

GG анкета

вести и новости од

ПРИЈАТЕЛИТЕ на GG.MK

GG LFM

W00t w00t? GG ис лукинг фор мор!​
Стани дел од тимот на GG.MK!

GG ЛОВЦИ НА ТРОФЕИ

покажете го пленот

Претплати се на нашата мејлинг листа

Нема спам, нема замарање!
Само гејминг!