Илон Маск на својата социјална мрежа „X“ изјави на дека ќе основа студио целосно базирано со вештачка интелигенција за „да ги направи игрите повторно одлични“, пренесува медиуот Инсајдер Гејминг.
Илон Маск во твит објави дека постојат „премногу студија за игри кои се во сопственост на огромни корпорации“ и дека xAI наскоро ќе има свое студио за игри.
Како точно ќе изгледа такво студио за игри сè уште не е јасно, но во последниве години студијата сè повеќе се потпираат на вештачка интелигенција за да ги намалат трошоците и да помогнат во процесот на креативност. Еден таков проект кој ја користи вештачката интелигенција е новиот проект на Ubisoft, „Alterra“, кој значително ја вклучи AI во процесот на создавање и идеирање за креирање на своите ликови наречени „Matterlings“.
Претходно овој месец беше откриено дека Маск е меѓу топ 20 играчи на Diablo 4, и покрај тоа што раководи со компании како Tesla, SpaceX, X и други. Исто така, тој се обиде и во стримингот, при што неговиот прв стрим на „X“ привлече 1,3 милиони гледачи. За споредба, xQc има рекорден врв од 312.158 гледачи, DrDisrespect достигна 363.980, а Ninja достигна 616.693, за да именуваме неколку од најголемите стримери.
Дали Маск навистина е сериозен во врска со основање на AI студио за игри, останува да видиме. Но, познавајќи го, веројатно е сериозен.
