Од своето лансирање во септември, „Фростпанк 2“ има оценки „Главно позитивни“ на Стим, со речиси 1.000 активни играчи во моментот на пишувањето, што е изненадувачки бидејќи е среде работен ден. На денот на лансирањето, играта за преживување и градење градови достигна врв од над 35.000 играчи во еден момент, пренесува медиумот Инсајдер Гејминг.
Еве што нè очекува во „Frostpunk 2“ во 2025 година:
- Големи содржински надградби: За 2025 година е планирана најмалку една голема надградба која ќе вклучува подобрувања во квалитетот на играта, поправки на багови, како и нова содржина и механики засновани на повратните информации од играчите.
- Лансирање на конзоли: „Frostpunk 2“ официјално ќе биде достапен за PlayStation 5 и Xbox Series X|S во 2025 година, иако студиото сè уште нема објавено точен датум.
- DLC пакети: Во текот на 2025 година ќе бидат објавени три големи DLC пакети за „Frostpunk 2“ – „Spectrum“, „Aurora“ и еден за кој сè уште нема име. Овие DLC пакети ќе донесат дополнителни приказни, нови механики и многу повеќе за да го прошират немилосрдниот свет на „Frostpunk 2“.
Доколку сè уште не сте ја испробале „Frostpunk 2“, таа е достапна на PC Game Pass!
