Играта ATOMFALL доби нов трејлер

Девелоперите од Rebellion објавиja сосема нов трејлер за претстојната акциона сурвајвл игра, Atomfall. Во овој трејлер, играчите добиваат увид во различните поставки и пејзажи во играта, додека истовремено учат што да очекуваат додека играат.

„Овој дел од северна Англија опфаќа сè, од отворени мочуришта, нерамни ридови, густи шуми и сликовитото англиско село Виндхам,“ вели Rebellion. „Но внимавајте, ова е опасен и непријателски предел исполнет со банди ограбувачи, полудени култисти и необјасниви хорори.

„Дури и локалниот животински свет претставува огромна закана за вашиот живот. Доколку сакате да го истражите овој свет и да преживеете, ќе мора да се борите за својот живот и да собирате ресурси.“

Atomfall пристигнвуа на 27 март и ќе биде достапна за PlayStation 5, PlayStation 4, Xbox Series X|S, Xbox One и PC. Играта исто така ќе биде достапна на првиот ден преку Xbox Game Pass уште на првиот ден. Во неговата летна прегледна анализа за играта, Grant Taylor-Hill од Insider Gaming зборуваше за тоа како интеракцијата со ликовите во играта може да го промени целокупното искуство.

„Ако се приближите премногу до фракција што не ви верува, ќе бидете нападнати прилично брзо,“ рече тој. „Во разговорите, можете да изберете помеѓу неколку опции, од кои секоја води во различна насока. Доколку сакате да бидете подискретни, ќе ги направите непријателите нервозни, а ако влезете со оружје во рака, ќе ја свртите целата војска против себе.“

МАРКЕТИНГ

Тагови:

Спорели на:

Следната мини-сезона во Fortnite започнува за една недела. Досегашните кратки тизери јасно навестуваа дека темата на претстојната сезона ќе биде спој на аниме и пирати, со главен акцент на потрагата по богатство. Тоа беше сè што знаевме. Epic Games конечно реши да ја тргне завесата и да открие што подготвува за мини-сезоната, а најавата е токму она што фановите го очекуваа.

Сезоната 4 од Chapter 7 во Fortnite завршува на 1 ноември. Потоа ќе следува период на недостапност на играта, за да се подготви лансирањето на мини-сезоната, која би требало да трае околу еден месец пред да започне сосема ново поглавје. Во изминатите неколку дена, Epic Games ја користеше социјалните мрежи за да ја подигне возбудата пред 24 октомври, ветувајќи големо откритие во 14 часот по источноамериканско време. Заедницата со нетрпение очекуваше нови информации за следната мини-сезона, бидејќи гласините укажуваа на голема соработка со One Piece. Кога станува збор за соработките во Fortnite, One Piece е меѓу најбараните, па слободно може да се каже дека фановите би биле разочарани доколку претстојната пиратска сезона не вклучува барем неколку скинови од серијалот.

Неколку часа пред откривањето, Fortnite го објави името на новата сезона во краток тизер: Treasure Hunters. Слика од вестите во играта откри повеќе детали, прикажувајќи логоа на неколку пиратски екипажи, меѓу кои Peely, A$AP Rocky, Hatsune Miku, Kasane Teto и Lil Uzi Vert. Играчите немаа многу време да откријат кому му припаѓаат останатите логоа, бидејќи пристигна големата најава: One Piece навистина доаѓа во Fortnite во следната сезона.

Во тизерот се појавува Going Merry, првиот брод на Пиратите од Сламената Шапка, кој излегува од маглата и го открива она што фановите го очекуваа во изминатите неколку недели. Тизерот потврдува и дека Fortnite соработува со анимето One Piece, а не со серијата на Netflix, бидејќи фигурата на предниот дел од бродот прикажана во анимето малку се разликува. Ова беше очекувано со оглед на тоа што во претходните тизери се појавија неколку ликови во аниме-стил.

Фановите сега можат да здивнат, бидејќи наскоро конечно ќе добијат пристап до соработката што ја очекуваат со години. Fortnite Treasure Hunters започнува во недела, на 1 ноември, по периодот на недостапност на играта. Гејмерите имаат уште неколку дена да го завршат тековниот Battle Pass и да се подготват за оваа возбудлива нова сезона.

GG анкета

вести и новости од

ПРИЈАТЕЛИТЕ на GG.MK

GG LFM

W00t w00t? GG ис лукинг фор мор!​
Стани дел од тимот на GG.MK!

GG ЛОВЦИ НА ТРОФЕИ

покажете го пленот

Претплати се на нашата мејлинг листа

Нема спам, нема замарање!
Само гејминг!