Проектот и серијата Secret Level беа претставени на неодамнешната церемонија на Gamescom Opening Night Live, при што студиото Blur ги дигна стандардите за амбициозниот проект кој вклучува неколку препознатливи франшизи. Secret Level е анимирана серија во која секоја епизода е заснована на различна игра: God of War, Unreal Tournament, Warhammer итн.

Во последните неколку месеци на интернет се појавуваа неколку тизер трејлери, но неодамна протече еден поголем трејлер кој што ни откри неколку клучни членови на актерската екипа.

Гејмингот владее во Холивуд

Протечениот трејлер за Secret Level, кој се појави на еден Телеграм сервер, прикажува повеќе од франшизите што најдоа место во проектот. Тоа е долга листа, а потенцијалот на Secret Level е речиси неспоредлив – има толку многу серии на видео игри од кои може да се извлече за да се насели универзумот.

Во трејлерот се откриваат вокалните таленти на неколку актери од висок профил:

• Arnold Schwarzenegger
• Patrick Schwarzenegger
• Kevin Hart
• Heaven Hart
• Keanu Reeves
• Gabriel Luna
• Arianna Greenblatt
• Adewale Akinnuoye-Agbaje
• Michael Beach
• Emily Swallow
• Claudia Domit

Еве еден од претходно објавените трејлери за Secret Level:

Не ни треба долго да чекаме додека готовиот трејлер не биде објавен на интернет – самото шоу ќе биде премиерно прикажано на Prime Video на 10 декември и ветува дека ќе понуди малку нешто на сите, без оглед на видот на игрите во кои уживате.