Сони официјално го направи најголемото ажурирање на својот стриминг уред „PlayStation Portal“ – Клауд Стриминг. Кога првпат беше лансиран, уредот можеше само да пренесува игри од вашата PS5 конзола преку Ви-фи. Но, како дел од новото ажурирање на системот, ќе можете да стримате одреден број на игри од PS5 каталогот којшто го добивате преку претплатата „PlayStation Plus“ на вашиот портал уред, посочија од медиумот The Verge.
Сони ја лансираат функцијата во БЕТА верзија, и за да можете да ја користите, мора да бидете претплатник на PlayStation Plus Premium за да пробате да видите како работи. Од Сони велат дека за пренос на 720p, ќе ви треба минимум 7 Mbps конекција, додека квалитетот на 1080p ќе бара минимум 13 Mbps конекција.
Некои функции на PlayStation Plus нема да бидат достапни за почеток со клауд стриминг на порталот, вклучувајќи голем број трајл (пробни) игри, опцијата за разговор со пријателите, покани за игри за одредени игри, 3D аудио и купување/плаќање за микротрансакции во игрите. И нормално, нема да можете да стримате игри од PS4 или игри од PS3. Детските профили исто така нема да можат да користат во клауд стримингот.
Бета верзијата ќе биде достапна во следните земји:
Австрија, Белгија, Бугарија, Канада, Хрватска, Чешка, Данска, Финска, Франција, Германија, Грција, Унгарија, Ирска, Италија, Јапонија, Луксембург, Малта, Холандија, Норвешка, Полска, Португалија, Република Кипар, Романија, Словачка , Словенија, Шпанија, Шведска, Швајцарија, ОК и САД.
Sony лансираше клауд стриминг на PS5 конзолите минатата година. Како дел од новото ажурирање на PlayStation Portal, има промени и во аудиото, вклучително и пониско минимално ниво на јачина на звук и можност за приспособување на поставките на уредот PlayStation Link од поставките на вашиот портал.
Функциите достапни за време на Бета:
- Стримање на одбрани игри за PS5 во каталогот на игри на PlayStation Plus
- Над 120 наслови за PS5 од каталогот на игри на PS Plus, вклучително и Dave the Diver, Ghost of Tsushima, Marvel’s Spider-Man: Miles Morales, Monster Hunter Rise и Ratchet & Clank: Rift Apart, ќе бидат достапни на PS Portal преку клауд стриминг
- Стриминг до 1080p/60fps
- Складирање во клауд на PlayStation Plus
- Заштедата на податоци и напредокот на играта може да се складираат до 100 GB и автоматски ќе се синхронизираат со вашата конзола PS5, што ќе го олесни беспрекорното префрлање помеѓу локалната и стриминг игра и помеѓу повеќе уреди.
